Qazaqstanda Ūlttyq reiting agenttıgı qūrylady, dep habarlaidy, dep habarlaidy astana-akshamy.kz
Qarjy naryǧynyŋ infraqūrylymyn odan ärı damytu maqsatynda Qazaqstan Respublikasynyŋ Qarjy naryǧyn retteu jäne damytu agenttıgı (būdan ärı – Agenttık) Ūlttyq reitingtık agenttık turaly zaŋ jobasyn äzırledı. Qūjat qazaqstandyq kredittık reitingtık agenttıktı qūru üşın zaŋnamalyq negız bolady. Jobany äzırleu kezınde Baǧaly qaǧazdar jönındegı komissiialardyŋ halyqaralyq ūiymynyŋ (IOSCO) kredittık reitingtık agenttıkterdıŋ qyzmetıne qatysty ūsynymdary paidalanyldy.
Zaŋ jobasy şeŋberınde reitingtık agenttık qyzmetınıŋ negızgı qaǧidattary, korporativtık basqaruǧa, reitingtık qyzmettı ūiymdastyruǧa, müddeler qaqtyǧysyn basqaruǧa, aqparatty jariialauǧa qoiylatyn talaptar jäne IOSCO kredittık reitingtık agenttıkterınıŋ käsıptık ıs-qimyl kodeksıne säikes basqa da talaptar belgılenedı.
«Qazaqstandyq reitingtık agenttık naryqty sapaly, obektivtı jäne qoljetımdı reitingtık qyzmettermen qamtamasyz etu üşın qajet. Mūndai reitingtık agenttıktıŋ paida boluy obligasiialar naryǧy arqyly ekonomikanyŋ naqty sektoryn qarjylandyrudy keŋeituge, qarjylyq tūraqtylyq täuekelderın tömendetuge, sondai-aq kredittık täuekelderdı täuelsız baǧalau salasynda qūzyretter ortalyǧyn qūruǧa mümkındık beredı», – dep atap öttı Qazaqstan Respublikasynyŋ Qarjy naryǧyn retteu jäne damytu agenttıgınıŋ Töraǧasy Mädina Äbılqasymova.
Reitingtık agenttıktıŋ qatysuşylary qazaqstandyq qarjy ūiymdary, qarjy naryǧynyŋ infraqūrylymdyq ūiymdary, damu instituttary bolady dep kütılude. Şeteldık reitingtık agenttıkterdıŋ qazaqstandyq reitingtık agenttıktıŋ strategiialyq serıktesı retınde qatysuy turaly kelıssözder jürgızılude. Osy zaŋ jobasyn Qazaqstan Respublikasynyŋ Parlamentıne 2024 jyldyŋ soŋyna deiın engızu josparlanuda.
Qazırgı uaqytta Qazaqstan Respublikasynyŋ reitingtık qyzmetter naryǧynda S&P, Moody’s jäne Fitch halyqaralyq reitingtık agenttıkterı bar. Sonymen bırge Qazaqstan Respublikasy Qarjy naryǧyn retteu jäne damytu agenttıgı Basqarmasynyŋ 2023 jylǧy 31 şıldedegı №67 qaulysymen bılıktılık ölşemşarttary negızınde şeteldık reitingtık agenttıkterdı tanu räsımderı qabyldandy. Osy räsımge säikes, asa ırı reseilık kredittık reitingtık agenttıkterı TKRA men Ekspert RA tanyldy, olar belgılengen ölşemşarttarǧa säikestıgın rastady. Būl rette EAEO keŋıstıgınde bügıngı taŋda bes kredittık reitingtık agenttık jūmys ısteidı – törteuı reseilık, bıreuı – belorussiianıkı.
Halyqaralyq reitingtık agenttıkterdıŋ resmi saittarynyŋ derekterı boiynşa 2022 jylǧy jaǧdai boiynşa 75 qazaqstandyq kompaniianyŋ halyqaralyq reitingtık agenttıkterdıŋ 101 jariia kredittık reitingı bolǧan. Onyŋ ışınde 19% – EDB, 19% – saqtandyru kompaniialary, 41% – memlekettık sektor kompaniialary, 8% – mikroqarjy kompaniialary, 7% – basqa banktık emes qarjy ūiymdary, 6% – jeke qarjylyq emes kompaniialar.
