Jambyl oblysynda 4 jyldan berı bırde-bır qylmys tırkelmegen auyldar bar. Auyl tūrǧyndary ışımdıkten bas tartqan, – dep habarlaidy astana-akshamy.kz
Jambyl oblysy Sarysu audanynyŋ Jaŋaaryq auyldyq okrugı eŋ ülgılı auyl ataǧyna ümıtker. Mūnda soŋǧy 4 jylda bırde-bır qylmys tırkelmegen. Auyldyq okrugke Aqtoǧai jäne Ūzaqbai Syzdyqbaev auyldary kıredı, onda 1700-ge juyq adam tūrady.
Okrugtegı üş dükende alkogol men temekı satylmaidy. Jaqynda törtınşı düken aşylady, bıraq ol käsıpker de auyl tūrǧyndarynyŋ bastamasyn bırden qoldaǧan. Mūndai şeşımdı tūrǧyndar ūrpaqty azǧyrmau üşın aqyldasa otyryp qabyldaǧan.
Nätije bırden baiqala bastady. Būl bastama qylmys pen qūqyq būzuşylyqtardyŋ, sondai-aq otbasylyq janjaldardyŋ aldyn alady. Bıraq būl jerde uchaskelık polisiia inspektorynyŋ qūqyq būzuşylyqtyŋ aldyn alu boiynşa jüielı jūmysy da maŋyzdy röl atqarady. Uchaskelık inspektor Saǧynǧali Salamatov 5 jyldan berı Syzdyqbaev auylynda tūrady. Ol öz aumaǧyndaǧy ahualdy tolyq meŋgeru üşın jüielı şaralar qoldanady: reidter jürgızıp, polisiiada esepte tūrǧan adamdardy tūrǧylyqty jerı boiynşa tekseredı, azamattyq qaru ielerınıŋ erejelerdı saqtauyna tekseruler jürgızedı.
Jambyl oblysynda osyndai ülgılı basqa da auyldar bar. Bes audanda 12 auyldyq okrug alkogolden bas tartqan. Nätije barlyq jerde bırdei: olar eŋ qauıpsız auyldar dep tanyldy. Būl jūmysta auyl tūrǧyndarynyŋ dauly mäselelerın şeşuge kömektesıp, barlyǧyn beibıtşılık pen kelısımge şaqyratyn auyl aqsaqaldaryna ülken röl berıledı.
