Būl turaly Ticketon biletterın onlain satu qyzmetınıŋ bas direktory Viktoriia Torgunakova mälımdedı, dep habarlaidy astana-akshamy.kz
Viktoriia Torgunakova Ticketon mälımetterı boiynşa 3,5 millionǧa juyq qazaqstandyq jylyna kemınde bır ret oiyn-sauyq şaralaryna baratynyn, al 2,3 millionǧa juyǧy mūny tūraqty türde jasaitynyn atap öttı.
-Jalpy, Ticketon platformasy arqyly şamamen 1,6 mln otandasymyz bilet satyp alady. Belsendı qazaqstandyqtar orta eseppen aiyna kez kelgen sipattaǧy oiyn-sauyq şaralaryna 16 000 teŋge jūmsaidy. Qazaqstandyqtardyŋ oiyn-sauyqqa, mädeniet pen önerge jūmsaǧan jalpy şyǧyndary 2023 jyly 56,9 mlrd teŋgenı qūrady, būl bır jyl būrynǧydan 13,6 mlrd teŋgege artyq. 2024 jylǧa arnalǧan boljam – 69,2 mlrd teŋge, – deidı V. Torgunakova.
Ötken jyldyŋ eŋ tanymal filmı «Taptym-au senı» bolǧan, osy film arqyly körermenderden 1,54 mlrd teŋge tüsken. 2023 jylǧy körermender sany boiynşa filmder reitingınde ekınşı oryndy «Avatar: Su joly» alady, odan tüsken paida 1,17 mlrd teŋge (filmnıŋ prokatqa şyǧuy 2022 jyldyŋ jeltoqsanynda bastalǧan) bolsa, üşınşı orynda «Forsaj 10» filmınen 1,10 mlrd teŋge tüstı. Jalpy, qazaq kinosy şeteldık filmge qaraǧanda köp aqşa jinady.
Almaty, Astana jäne Şymkent qalalaryn qosa alǧanda, köpşılık tūrǧyndar ötken jyly kinoteatrda qazaqşa «Taptym-au senı» komediiasyn körudı taŋdaǧan. Petropavl, Aqtöbe jäne Qostanai qalalarynda «Cheburaşka» filmı kinoteatrlardan jiı qaralǧan. Al pavlodarlyqtar «Mırjaqyp. Oian, qazaq!» filmıne köp barǧan.
Naryqqa geosaiasi jaǧdai da belgılı bır deŋgeide yqpal etken. Byltyr ötuı tiıs 1743 jalpy oqiǧanyŋ 12,7% (222) ötpei qaldy. Onyŋ ışınde toqtatylǧan qazaqstandyq ıs-şaralar – 6,63%, reseilık ıs-şaralar – 31,75%, al basqa da ötkızılmegen mädeni ıs-şaralar – 3,33% qūraidy.
Ötken jylǧy ıs-şaralar boiynşa biletterdıŋ tolyq satylymy bylai boldy: alǧaşqy üş oryndy Euro-2024 ırıkteu futbol matchtary ielendı: olar – Qazaqstan – San-Marino (barlyq satylǧan biletterden 27 434), Qazaqstan – Finliandiia (26 392), Qazaqstan – Soltüstık İrlandiia (25 678). Sondai-aq tolyq satylǧan biletter boiynşa alǧaşqy bestıkke soŋǧy jyldary öte tanymal bolǧan gik-mädeniet festivalı kırdı, ol – Comic Con Astana (19 340), Kostanay Music Fest (15 806).
Foto: Ticketon.kz
