Erkeǧali Rahmadiev atyndaǧy Memlekettık akademiialyq filarmoniianyŋ kameralyq hory biylǧy mausymdy Qaz KSR halyq ärtısı Ǧarifolla Qūrmanǧalievtıŋ 115 jyldyǧyna arnalǧan «Änşı dauysy» atty konsertpen qorytyndylady. Atalmyş keş «Astana Opera» teatrynyŋ K.Baiseiıtova atyndaǧy kameralyq zalynda öttı.
Konserttıŋ älqissasy avtordyŋ «Sälem» änımen bastalyp, ärı qarai öner iesınıŋ oryndauymen jetken Bırjan sal, Mūhittyŋ änderımen jalǧasyn tapty. Än keşınde astanalyq filarmoniianyŋ dästürlı änşılerı de öner körsettı. Atap aitqanda, Daniiar Mūqan, Äigerım Nartüie, Ainūr Qonysbaeva, Nūrjan Meiırhan, Alua Qalymbekova, Aidos Oŋǧarbai, Zinat Qasymova jäne t. b.
Bala künınen än önerıne jany jaqyn bolǧan Ǧapifolla Qūrmanǧaliev – qazaq ruhaniiatyna teŋdessız üles qosqan tūlǧa. Onyŋ änderın oryndap jürgen bügıngı ruhani şäkırtterı bırtuar öner iesınıŋ artyna qaldyrǧan mūralary qazaq mädenietıne qosylǧan qazyna ekenın aitady.
– Ǧapifolla Qūrmanǧalievtı halyq ruhty änşı, jarqyldaǧan terme men jeldırmenıŋ qaitalanbas oryndauşysy retınde tanidy. Sonymen qatar ol kısı baqytty öner iesı boldy. Halyq ärtısı, Memlekettık syilyqtyŋ laureaty ataqtaryn ielengen onyŋ qazaq mädenietıne sıŋırgen eŋbegı orasan zor. Änşılık önerımen qatar, ol kısınıŋ jyrşylyǧy da bırtöbe edı. Tırı kezınde Aralbai, Maxambet, Captai, Saǧymqoja, Qūmapdyŋ qaldyryp ketken tolǧau-termesın oryndap, elge jetkızdı. Tyŋdauşynyŋ alpys ekı tamyryn idırıp, qūlaq qūryşyn qandyrdy. Ol Mahambettıŋ ör öleŋderınen jan düniesınıŋ jaqyndyǧyn tapty. Sol ūrpaq sabaqtastyǧy bügınde öz jalǧasyn tabuda, – deidı konsertte än salǧan QR eŋbek sıŋırgen qairatkerı Gülmira Sarina.
Şapaǧat ÄBDIR
