Bas qala törınde «Qajymūqan joly» atty ūlttyq jarys ūiymdastyryldy. Küş atasy – Qajymūqannyŋ şeberlıgı men erlıgın önege tūtqan saiypqyran jıgıtter saiysqa tüstı. Salauatty ömır salty men sporttyŋ qūndylyǧyn nasihattaǧan ıs-şara köpşılıktıŋ köŋılınen şyqty.
Elorda törındegı QAZAQSTAN jeŋıl atletika sport keşenınde «Qajymūqan joly» atty ūlttyq turnirı öttı. Is-şaraǧa Astana qalasy äkımınıŋ orynbasary Eset Baiken, qalalyq Dene şynyqtyru jäne sport basqarmasynyŋ basşysy Samat Jylqybaev, Qazaqstan sportşylar odaǧynyŋ töraǧasy Azamat Qarlyǧaşev jäne bokstan QR memlekettık jattyqtyruşysy Merei Aqşalov, şort-trekten halyqaralyq därejedegı sport şeberı Abzal Äjıǧaliev qatysty.
Basqarma basşysy öz sözınde būl jarys Qajymūqan, Baluan Şolaqtardyŋ jolyn jalǧaǧan, halyq arasynda keŋınen nasihattalyp tanymal bolǧandyǧyn airyqşa atap öttı.
Aituly jobanyŋ avtory jäne bastamaşysy ataqty paluan jäne Ginnestıŋ rekordtar kıtabynyŋ rekordşysy Sergei Syrulnikov şara barysynda bolat temırdı maiystyryp, jinalǧan jūrtşylyqty taŋdai qaqtyrdy.
Saidyŋ tasyndai 8 batyr saiystyŋ 5 türı boiynşa iaǧni, 60, 70, 80, 90 kelılık qapşyqty jyldamdyqqa köteru, 1 minutta 140 kelılık tasty biıktıgı 1 metrlık tumbanyŋ üstıne meilınşe köp qoiu, temır taǧa pışındes retınde jyldam maiystyru, 100 kelıden asatyn tomardy iyqqa salyp köteru, beldesude synǧa tüstı.
Jarys qorytyndysy boiynşa, chempiondyq ataq Bolat Ahmetovke, kümıs jülde Ömırbek Aqedılge, qola jülde Tılegen Gabdulinge būiyryp, olar arnaiy ūlttyq dästürımızdıŋ būiymdarymen, diplommen marapattaldy.
Qanat BAIŪZAQOV
