Qazaq – ejelden tabiǧatty anasyndai, ondaǧy ärbır tırşılık iesın balasyndai körıp aialaǧan halyq. Bügın de qorşaǧan ortany qorǧau Qazaqstannyŋ progressivtı memleket retınde damuyndaǧy negızgı mındetterdıŋ bırı bolyp sanalady.
Ekologiialyq ortany qorǧau turaly «Qazaqstan – 2050» baǧdarlamasynda da, Qazaqstan Respublikasy Konstitusiiasynyŋ 31-babynda da aitylǧan. Ärı jyl saiyn Memleket basşysy Qasym-Jomart Toqaev türlı ekologiialyq mäselege bailanysty jinalystarda jäne öz Joldaularynda būl mäselenı bır sätke nazardan tys qaldyrǧan emes. Şyn mänınde «Taza Qazaqstan» aksiiasyna respublikanyŋ barlyq öŋırındegı tūrǧyndar atsalysady. Alaida mūndai aksiialardy ūiymdastyryp, ony jüzege asyruda erıktılerdıŋ eŋbegı qaşanda zor ekenın atap ötken jön. Mıne osyndai ūlttyq ideialardy üilestırude, bırınşı bolyp ūiysyp, jūmysqa kırısetın Memlekettık qyzmet ısterı agenttıgınıŋ Astana qalasy boiynşa departamentınıŋ janynan 2022 jyly qūrylǧan «Erıktıler keŋesınıŋ» de eŋbegınıŋ ülesı zor ekenın atap ötken jön.
Bügınge deiın atalǧan keŋestıŋ erıktı müşelerı qala aumaǧynda «Taza Qazaqstan», «Taza ölke», «Jasyl aimaq», «Möldır būlaq» sekıldı aksiialarǧa tūraqty türde qatysyp kele jatyr. Al Memlekettık qyzmet ısterı agenttıgınıŋ Astana qalasy boiynşa departamentınıŋ basşysy Maqsat Musin özderınıŋ negızgı maqsaty – memlekettık qyzmetşılerdıŋ märtebesın, memlekettık qyzmettıŋ imidjın arttyru, qoǧamnyŋ memlekettık qyzmetke degen senımın nyǧaitu ekenın aitady. Sonymen qatar, ol Prezidenttıŋ tıkelei tapsyrmasymen ärı Memleket basşysynyŋ qatysuymen ötıp jatqan būl aksiianyŋ elımızdıŋ erteŋı üşın maŋyzdy ekenın atap öttı.
– Jaqynda ǧana Memleket basşysynyŋ bastamasymen «Taza Qazaqstan» respublikalyq ekologiialyq aksiiasy bastalyp, 13 säuır men 11 mamyr aralyǧynda elordada «Taza Qazaqstan: Astana – tazalyq pen tärtıptıŋ ülgısı» ailyǧy ötken bolatyn. Al aksiia aiasynda ūiymdastyrylǧan jalpyqalalyq senbılıkke Prezidenttıŋ özı qatysty. Sol jerde jastarmen äŋgımelesu barysynda qoǧamda ekologiia mädenietın qalyptastyru, tabiǧatty aialau maŋyzdy ekenın atap ötken Memleket basşysy: «Elımızdı kögaldandyru, abattandyru – ülken memlekettık maŋyzy bar ıs. Būl bügın şyǧyp, erteŋ ūmytyp ketetın bır rettık nauqan emes. Atalǧan jūmys tūraqty türde jürgızıledı. Būl – jalpyūlttyq mäsele. Las elge qonaq retınde, investor retınde eşkım kelmeidı. Bıraq, eŋ aldymen, Qazaqstannyŋ taza, körıktı bolǧany bız üşın, iaǧni halyq üşın kerek» degen bolatyn. Şyn mänınde tabiǧatty qorǧau arqyly bız öz bolaşaǧymyzdy qorǧaimyz. Özımız jasap jatqan qalany abattandyru arqyly öz densaulyǧymyzdy nyǧaitamyz. Sondyqtan ärbır adam özınıŋ tabiǧat üşın ıstep jatqan ısın, azamattyq boryşy retınde sezınuı tiıs, – deidı M.Musin.
Sonymen qatar Maqsat Qabduǧaliūly tabiǧatty qorǧau jäne qala aumaǧyn kögaldandyruda erıktıler jūmysynyŋ erekşe ekendıgın, ärı eldıŋ bolaşaǧy üşın jasalatyn kez kelgen auqymdy aksiialarǧa «Erıktıler keŋesınıŋ» müşelerı alǧaşqylardyŋ bırı bolyp aralasatynyn alǧa tartty.
– Jalpy bızdıŋ erıktıler ekologiialyq mädeniettı qalyptastyru men halyqtyŋ tabiǧatqa degen süiıspenşılıgın oiatu maqsatynda ūiymdastyrylǧan ıs-şaranyŋ bärıne de atsalysyp keledı. Öitkenı qazırgı uaqytta tabiǧatty qorǧau mäselesı qorşaǧan ortany ūtymdy paidalanu jäne belsendı türlendıru öte maŋyzdy. Sondai-aq bızdıŋ bügıngı mındetımız – adamzatty mümkındıgınşe ūzaq merzımge tabiǧi resurstarmen qamtamasyz etumen qatar, ǧylym-tehnikalyq revoliusiia däuırınde adam ömırıne qajettı salauatty ekologiialyq ortany saqtau üşın barlyq jaǧdailar jasau. Ol üşın bız eŋ äuelı tabiǧatty qorǧau kerek ekendıgımızdı tereŋ tüsınuımız kerek. Ärı būdan keiın de erıktı memlekettık qyzmetşıler tabiǧatty qorǧau mäselesınen özge de aqy tölenbeitın volonterlyq qyzmetterdı atqara beretın bolady, – deidı Maqsat Qabduǧaliūly.
İä, bügıngı taŋda atalǧan erıktıler tobynda 35 memlekettık qyzmetşı jūmys ısteidı. Olar jyl basynan berı tabiǧatty qorǧau boiynşa ötken 10-ǧa juyq ıs-şaraǧa belsene atsalysqan. Al erıktı bolyp jūmys ısteu erıkkennen emes, eldıŋ qamyn oilaǧannan bolu kerek ekendıgın ärbır qala tūrǧyny tüsınuge tiıstı qaşanda.
Şapaǧat ÄBDIR
