Astananyŋ ırgesındegı Qosşy qalasynyŋ halqynyŋ sany 30 ese artyp otyrǧanyna bailanysty eldı mekennıŋ bas josparynyŋ jobasy jūrtşylyq nazaryna ūsynyldy, dep habarlaidy astana-akshamy.kz
Qūjat «Aşyq NQA» portalynda jariialandy. Onda qalanyŋ aldaǧy 14 jylda qalai damityny turaly boljam berılgen.
Qalada tūrǧyn üi jyljymaityn mülıktıŋ jalpy audanyn qazırgı 1285 myŋ şarşy metrden 4500 myŋǧa deiın 3,5 esege ūlǧaitu josparlanǧan. Būl josparlar, qūjat avtorlarynyŋ esepteulerıne säikes, 2023 jyldan 2038 jylǧa deiın qala halqy üş esege artu yqtimal degenge bailanysty qūrylǧan.
«Soŋǧy 24 jylda eldı mekendegı halyq sany 29,7 esege artty. Osyǧan bailanysty jobalanatyn qala halqynyŋ boljamdy sanyn anyqtau kezınde halyq sanyn geometriialyq ūlǧaitu ädısı qabyldandy. Būl ädıs halyqtyŋ ösu qarqyny qazırgı uaqytta halyq sanyna proporsionaldy jas jäne damuşy qalalar üşın qoldanylady (iaǧni dP/dt ∝ P). Sondyqtan halyqtyŋ paiyzdyq ösımı tūraqty bolady dep boljanǧan. 2023 jylǧy 1 qaŋtarda qala tūrǧyndarynyŋ sany 51 664 myŋ adam boldy, bırınşı kezekte 107,00 myŋ adamdy, eseptı merzımde (2038 jyl) 150,00 myŋ adam bolady», – delıngen qūjatta.
Bas jospar avtorlarynyŋ aituynşa, Qosşy:
damyǧan qala, Astanaǧa kontrmagnit (aimaq tūrǧyndaryn tartu ortalyǧy);
Astana maŋyndaǧy azyq-tülık aimaǧy ortalyqtarynyŋ bırı (auyl şaruaşylyǧy önımderın qaita öŋdeu);
elordalyq logistikalyq jelıge bırıktırılgen öŋırdıŋ kölık-logistikalyq ortalyqtarynyŋ bırıne ainaluy kerek.
Bas jospar jobasy 17 şıldege deiın talqylanady.
Suret: Tengrinews.kz / Turar Kazangapov
