Qūsnihat şeberlerı bas qosty
![](https://astana-akshamy.kz/wp-content/uploads/2024/02/dsc3461-780x470.jpg)
Elordadaǧy «Qoljazbalar jäne sirek kıtaptar ūlttyq ortalyǧy» İran İslam Respublikasynyŋ Qazaqstandaǧy elşılıgı janyndaǧy Mädeni ökıldıgımen bırlesıp «İran İslam Respublikasynyŋ kalligrafiia jäne jazba mūralardy qalpyna keltıru önerı» atty aptalyǧy jūmysyn bastady. Is-şaraǧa İran İslam Respublikasynan arnaiy şaqyrylǧan qūsnihat şeberlerı men restavrator mamandar qatysady.
Aptalyq aiasynda halyqtyŋ bırneşe ǧasyrlyq ruhani, saiasi, mädeni jäne tarihi derekközderınıŋ bırı bolyp sanalatyn qoljazba jädıgerlerın saqtau, olardy jinap-jüieleu, qalpyna keltıru, sifrlandyru, salasynda İran elınıŋ restavrator jäne kalligraf mamandarymen täjıribe almasu közdelıp otyr. Sol sebeptı «İslam kalligrafiiasy» körmesı, «İran İslam Respublikasynyŋ kalligrafiia jäne jazba mūralardy qalpyna keltıru önerı» ǧylymi-täjıribelık seminary, «Kalligrafiia önerı» boiynşa şeberlık sabaǧy elımızdegı osy salanyŋ mamandarǧa arnalady.
– İrannyŋ köne qoljazbalardy qalpyna keltırude neşe ǧasyrlardan berı jinaqtaǧan mol täjıribesı bar. Asyl mūralarymyz Meşhed qalasyndaǧy Astan Kuds Razavi jäne İran Ūlttyq kıtaphanasynda sonymen qatar «Nūr» mikrofilmder ortalyǧynda jinaqtalǧan. Osy ortalyqtarda parsy tılındegı Qazaqstan tarihyna qatysty bırneşe qūjattar tabylǧan bolatyn. Osy joly sol qūjattardyŋ köşırmesın tabys etıp, İran qūsnihatynyŋ eluge tarta ülgılerın körmege qoidyq, – dedı İran İslam Respublikasynyŋ Qazaqstan Respublikasyndaǧy Elşılıgınıŋ mädeni keŋesşısı Äli Akbar Talebi Matin. Qazaqstanda alǧaş ret ūiymdastyryp otyrǧan şaraǧa Mädeniet jäne aqparat ministrlıgınıŋ ökılderı, İran İslam Respublikasynyŋ Qazaqstandaǧy elşılıgı, Parlament Mäjılısınıŋ deputattary men ziialy qauym ökılderı, ǧalymdar men elımızdıŋ barlyq aimaqtarynan arhiv, kıtaphana, muzei jäne ǧylymi ortalyqtarynan mamandar qatysady.