Astanada Saryarqa audandyq «Belsendı ūzaq ömır süru ortalyǧy» men «Elorda aqsaqaldary keŋesı» qoǧamdyq bırlestıgınıŋ ūiymdastyruymen «Qymyzmūryndyq» merekesı öttı.
Aǧa buyn ökılderınıŋ ejelden toilanyp kele jatqan qymyzmūryndyq merekesın därıptep, onyŋ maŋyzdylyǧyn nasihattau maqsatynda ötken mädeni ıs-şaraǧa ortalyqtyŋ önerpazdary, zeinetkerler men jastar qatysty. Astana töŋıregındegı auyldarda aşytylǧan qymyzdyŋ dämın dästür boiynşa aldymen aqsaqaldar tatyp, jinalǧan jūrtqa bata berdı. Osydan keiın oiyn-sauyqqa kezek berıldı.
Qymyzmūryndyq – bie bailap, alǧaşqy qymyz ışu toiy. Qūlyn bailanyp, bie sauylyp, onyŋ sütı qorlanyp aşytylǧan soŋ, ekı-üş kün boiy jinalǧan qymyzǧa aqsaqaldar men körşı-qolaŋ «qymyzmūryndyqqa» şaqyrylady. Iаǧni alǧaşqy qymyz adamdarǧa saltanatpen ūsynylyp, «köpke būiyrsyn» degen tılekpen berıledı. Aqsaqaldar üi iesıne raqmet aityp, batasyn beredı. Osylaişa bie bailanǧan kezde «qymyzmūryndyq» jasaǧan halqymyz küzde soŋǧy qymyzdan auyl aqsaqaldaryna taǧy da däm tattyryp, «sırgejiiar» jasaǧan. Halyqtyŋ būl dästürı de qonaqjailylyqty, jomarttyq pen märttıktı körsetedı. Degenmen, soŋǧy kezderı būl dästür de ūmytyla bastaǧan edı.
– Qymyzmūryndyq ūmytylyp bara jatqan dästürımız edı. Bügın osy dästürdı bas qalanyŋ törınde jaŋǧyrtudyŋ mänı öte zor. Būl el boiynşa toilaityn mereke. Sondyqtan da bız qūzyrly oryndarǧa, ministrlerge «Qymyzmūryndyq» merekesın respublika boiynşa toilasaq degen ötınış aityp jatyrmyz, – dedı ıs-şaraǧa arnaiy qatysuǧa kelgen qoǧam qairatkerı, aǧartuşy ūstaz, Qazaqstan Respublikasynyŋ mädeniet qairatkerı Ospan Süleimenūly.
Merekede qazaqtyŋ ūmyt bolyp bara jatqan taǧy bır önerı – örımşılık te jūrt nazaryna ūsynyldy. Örımdei jastar sol jerde qamşy örıp, öz önerlerın körsettı.
«Örımşılıktı Talǧat deitın aǧaiymnan üirendım. Qazır 6, 8, 12 taspadan örım öre alamyn. Örımşılık önerge qatty qyzyǧamyn, bolaşaqta ūltymyzdyŋ osy önerın ūmyt qaldyrmai, damytuǧa ülesımdı qosqym keledı» dedı Mūhtar Äuezov atyndaǧy №86 mektep gimnaziianyŋ oquşysy Ramazan Tūrǧanbek.
Aiala ABZALQYZY,
L.Gumilev atyndaǧy
Euraziia ūlttyq universitetınıŋ studentı
