Elordada qaŋtar aiynyŋ basynan bastap qyzylşa jūqtyrǧandardyŋ 1890 bastapqy jäne 532 rastalǧan jaǧdaiy tırkeldı, onyŋ ışınde 14 jasqa deiıngı balalar arasynda – 381 jaǧdai. Būl turaly bügın Astana kommunikasiialar qyzmetı alaŋynda Qyzylşaǧa qarsy vaksinasiia nätijelerı turaly ötken brifingte Astana qalasynyŋ bas memlekettık sanitariialyq därıgerı Sarhat Beisenova baiandady, dep habarlaidy astana-akshamy.kz.
Onyŋ aituynşa, elordada infeksiianyŋ taraluyn qyzylşaǧa qarsy ekpe almaǧan adamdar jalǧastyruda, syrqattanǧandardyŋ 68 paiyzyn osy kısıler qūraidy.
Jeltoqsan aiymen salystyrǧanda balalar arasynda syrqattanuşylyqtyŋ bır jasqa deiın , bır jas jäne 2 jastaǧy balalar arasynda tömendeuı baiqalady. Mäselen, 1 jasqa deiıngı auyrǧan balalardyŋ qarqyndy körsetkışı 692,7-den 589,4-ke deiın nemese 15% – ǧa, bır jastaǧy balalar 880,2-den 805,3-ke deiın nemese 8,5% – ǧa jäne 2 jastaǧy balalar tiısınşe 701,6-dan 551,9-ǧa deiın nemese 21,3% – ǧa tömendedı. Körsetılgen jastaǧy syrqattanudyŋ tömendeuı-būl qosymşa jappai immundaudyŋ nätijesı. Alaida, eresekter arasynda syrqattanuşylyqtyŋ ösuı baiqalady, qarqyndy körsetkış 25,2-den 40,2-ge deiın nemese 37,3% – ǧa östı.
Qyzylşaǧa qarsy ekpe almaǧandar arasynda syrqattanuşylyqtyŋ ösuıne bailanysty Qazaqstan Respublikasynyŋ Bas memlekettık sanitariialyq därıgerınıŋ 2023 jylǧy 1 qaraşadaǧy №7 qaulysy şyǧaryldy. Soǧan säikes 2023 jylǧy 6 qaraşadan bastap 6 aidan 10 ai 29 kündık säbilerdı jäne 2023 jyly 5 jeltoqsannan bastap 2 jastan 4 jas 11 ai 29 kündık balalardy egu märtebesıne qaramastan qyzylşaǧa, qyzamyqqa jäne parotitke qarsy qosymşa jappai immundau bastaldy. Sondai-aq, qyzylşaǧa qarsy profilaktikalyq immundauy joq medisina qyzmetkerlerıne immunizasiia jasaldy.
Bügıngı taŋda 6 aidan 10 ai 29 kündık balalardy qyzylşaǧa qarsy ekpemen qamtu 56,1 paiyzdy nemese 13 473 balany qūrady jäne 2-4 jastaǧy balalar arasynda 75,9 paiyzdy nemese 59 205 balany qūrady.
2023 jylǧy 6 qaraşadan bastap osy uaqytqa deiın qosymşa jappai immundau aiasynda 94 166 adam ekpe aldy, būl qosymşa jappai immundauǧa jatatyn kontingenttıŋ, iaǧni 121 000 adamnyŋ 77,8 paiyzy.
Vaksina almaǧan 6 aidan 10 ai 29 kündık balalardy jäne 2-4 jas aralyǧyndaǧy balalardy qajettı ekpemen qamtudyŋ kemınde 95 paiyzyna deiın jetpeiınşe, vaksinasiia jūmystary jalǧasyn tappaq. Qyzylşaǧa qarsy profilaktikalyq ekpesı joq medisina qyzmetkerlerın qyzylşaǧa qarsy immundaumen qamtu 100% – ǧa jettı.
Ūlttyq egu küntızbesıne säikes 7-18 jas aralyǧyndaǧy būryn vaksinasiialaudy ötkızıp alǧan 13678 bala immundau şeŋberınde qamtyldy.
-Būryn vaksinasiiadan bas tartqan balalardyŋ ata-analarymen vaksinasiianyŋ maŋyzdylyǧy turaly qosymşa aityp-tüsındırgennen keiın öz şeşımderın vaksinasiianyŋ paidasyna qabyldady. Qaŋtar aiynyŋ basynan bastap bas tartqan barlyq 4529 balanyŋ 1038 bala nemese 22,9% egıldı. Osy oraida, vaksinasiianyŋ maŋyzdylyǧyn taǧy da eskere otyryp, odan bas tartpauǧa şaqyramyz,-dedı S.Beisenova.
Josparly jūmystar uaqytşa medisinalyq qarsy körsetılımı sebebınen qyzylşaǧa qarsy ekpe almaǧandar arasynda da jürgızıledı. Mäselen, jyl basynan berı uaqytşa medisinalyq qarsy körsetılımı bar 2730 balanyŋ 1067 bala nemese 39 paiyzy ekpe aldy.
