Elordada bügınge deiın qyzylşa boiynşa 289 bastapqy jäne 110 rastalǧan jaǧdai tırkeldı. Onyŋ ışınde 14 jasqa deiıngı balalar sany – 81. Qyzylşanyŋ kün saiyn tırkeluı 45-ten 30 jaǧdaiǧa deiın azdap tömendegenımen jaǧdai älı de kürdelı. Nauqastardyŋ şamamen 79 paiyzy – qyzylşaǧa qarsy ekpe almaǧan azamattar, aurudyŋ basty sebebı osy. Olardyŋ ışınde qyzylşaǧa qarsy vaksina alǧandar tek 5 paiyz, al vaksina alǧan, almaǧany belgısız nauqastar 16 paiyzdy qūraidy.
Būl turaly Astana qalasynyŋ kommunikasiialar qyzmetınde Astana qalasyndaǧy qyzylşanyŋ epidemiologiialyq jaǧdaiy jäne qyzylşa auruyn tömendetu boiynşa aldyn alu şaralary turaly ötken brifingte Astana qalasynyŋ Bas memlekettık sanitarlyq därıgerı Sarhat Beisenova men Astana qalasy Qoǧamdyq densaulyq saqtau basqarmasy basşysynyŋ orynbasary Gülnaz Dosmyrzaeva baiandady.
2023 jyly qaraşa aiynan bastap 6 aidan 10 ai 29 kündık balalarǧa jappai vaksinasiia jürgızılıp keledı jäne jeltoqsan aiynan berı olarǧa 2-4 jastaǧy balalar qatary qosyldy. 6 qaraşadan bastap bügınge deiın 44 800 bala ekpe alǧan. Bügınde ūlttyq vaksinasiia küntızbesıne säikes vaksinasiia almaǧan balalardy anyqtau jūmystary jalǧasuda. Osylaişa, 1 jäne 6 jasta qyzylşaǧa qarsy egılmegen 7-18 jas aralyǧyndaǧy anyqtalǧan 13 000 balanyŋ 5 692-sı ekpe alǧan.
– Nauqaspen bailanysta bolǧan jaǧdaida 72 saǧat ışınde şūǧyl ekpe aluǧa mümkındık baryn atap ötkım keledı. Osylaişa vaksinasiia almai nauqaspen bailanysta bolǧan adamdardy infeksiiadan uaqtyly qorǧau jäne infeksiianyŋ odan ärı taraluyn boldyrmau maqsatynda 2514 adam egıldı. Sondyqtan jalǧyz tiımdı qorǧanys ol vaksinasiia ekenın taǧy bır ret atap ötemın. Balalaryn uaqtyly ekpe aluyn qamtamasyz etu, eŋ aldymen, ata-analardyŋ jauapkerşılıgınde, – deidı S.Beisenova.
Qyzylşa boiynşa epidemiologiialyq mausymnyŋ basynan (2023 jyldyŋ nauryzynan bastap) bügıngı künge deiın qyzylşanyŋ 1188 jaǧdaiy tırkeldı, onyŋ ışınde 14 jasqa deiıngı balalar arasynda 843 jaǧdai. Rastalǧan jaǧdailardyŋ jalpy sanynan zerthanalyq rastalǧan 1143 (96%) jaǧdai, klinikalyq rastalǧan 45 (4%) jaǧdai.
Auyrǧandar sanynyŋ ösuınıŋ basty sebepterınıŋ bırı – vaksinasiia deŋgeiınıŋ jetkılıksızdıgı. Älemdık statistika körsetkendei, COVID-19 pandemiiasy kezınde qyzylşaǧa qarsy vaksinasiia nemese revaksinasiia almaǧan halyqtyŋ sany artty. Qyzylşanyŋ taraluyn boldyrmau üşın toptyq immunitetınıŋ jalpy körsetkışı bükıl halyq arasynda 85-90 paiyzdan kem bolmauy kerek
