Bügın Qazaqstanda Memlekettık rämızder künı atalyp öttı. Atauly künge orai L.Gumilev atyndaǧy Euraziia ūlttyq universitetınıŋ bas ǧimaraty aldyndaǧy Ūstazdar alleiasynda «Rämızderım – maqtanyşym!» merekelık ıs-şarasy ötkızıldı. Ony Astana qalasynyŋ Bılım basqarmasy jäne Ädıstemelık ortalyǧy ūiymdastyrdy.
Memlekettık rämızderımızdı ūlyqtauǧa arnalǧan saltanatty ıs-şaraǧa elordalyq mektepke deiıngı ūiymdardyŋ tärbielenuşılerı men pedagogterı, Qazaqstan Respublikasy Oqu-aǧartu ministrlıgıne qarasty “Balalardy erte damytu instituty”, Bılım basqarmasynyŋ ökılderı, şaqyrylǧan qonaqtar men äleumettık serıktester qatysty.
Balabaqşa tärbielenuşılerı qylqalammen memlekettık rämızderımızdı – Änūran, Eltaŋba, Tudy ūlyqtap, türlı-tüstı boiau arqyly süiıspenşılıgın jetkızse, ūlttyq naqyşta, aspankök tüstı kiıngen jūldyzdai jarqyraǧan örender aşyq aspan astynda bi bilep, taqpaq aityp, än şyrqap, merekelık köŋıl-küi syilady, oiyn oinap, şynyǧyp, tättı jep, ainalany şattyqqa böledı.
Memlekettık rämızder – halqymyzdyŋ ruhyn, ūlttyq salt-sanasyn, qaharmandyǧy men danalyǧyn, bolaşaqqa ümıtın, arman-tılegın jetkızetın erekşe qūndy belgıler. Kök tuymyz kökte jelbırep, änūranymyz ärkez şyrqalyp, eltaŋbamyz eldıgımız ben bırlıgımızdıŋ simvolyna ainalǧany soǧan dälel.
Jiynǧa qatysqan pedagogtar, tärbielenuşıler, ata-analar, qala tūrǧyndary Täuelsızdıktıŋ qasiettı rämızderın de erekşe qadırlep, qasterlep, qadırın tüsınu kerektıgın aitty. Ärbır azamat Qazaqstannyŋ Tuyn, Eltaŋbasyn, Änūranyn tūmardai qasiet tūtuy qajet. Täuelsızdıgımız tūǧyrly boluy üşın, elımızdıŋ simvoly – memlekettık rämızderdı qūrmetteu – bärımızdıŋ mındettı paryzymyz.
– Memlekettık rämızder – el damuynyŋ ajyramas bölıgı. Sondyqtan qazaqstandyqtardyŋ osy rämızderge degen qūrmetı, olardy boitūmardai qasterleuı erekşe sezılıp tūruy tiıs. Rämızder arqyly elımızdı bükıl älem tanidy. Öitkenı onda qazaq halqynyŋ bastan ötkızgen tarihy, mädenietı men dästürı körınıs beredı. Jastardyŋ otansüigıştık sezımın oiatady, patriotizmge ündeidı, batyldyqqa tärbieleidı. Alǧaşqy jyldardaǧydai emes, qazırgı kezde elımızdıŋ Änūrany mätının bılmeitın jan kemde-kem. Ol nasihattyŋ jemısı desek, qatelespeimız, – dedı Oqu-aǧartu ministrlıgınıŋ Balalardy erte damytu instituty direktorynyŋ orynbasary Mariiam Ermanova.
Saltanatty ıs-şaradaǧy elordalyq bılım aluşylardyŋ önerı, bılımı merekenıŋ şyraiyn aşyp, patriottyq ruhymyzdy asqaqtata tüstı.
