Resei muzeilerındegı qazaqqa tiesılı jädıgerler elge qaitarylady
Resei muzeilerındegı qazaqqa qatysty jädıgerlerdı qaitaru memleketaralyq kelısım aiasynda pysyqtalady. Būl jaiynda Mädeniet jäne aqparat ministrlıgınen mälım ettı, dep habarlaidy
«Türlı sebeptermen şet memleketterge ketken tarihi jädıgerlerdı qaitaru mäselesı ūltymyzdyŋ ruhani jaŋǧyruyna yqpal etetındıgı anyq. Ministrlık körsetılgen mäselenıŋ maŋyzyn eskere otyryp, otandyq tarih, mūraǧat, mädeniet salasyndaǧy ǧalymdar jäne şyǧarmaşylyq intelligensiia ökılderımen bırlesıp, şetel asqan qūndylyqtarymyz ben artefaktılerdıŋ tızımın jasau mäselesın pysyqtady», – dep atap ötedı ministrlıkten agenttıktıŋ resmi saualyna orai.
Vedomstvo mälımetınşe, atalǧan tızımge körşıles Reseidegı federaldyq muzeilerdıŋ qorynan jädıgerler engızılgen.
«Muzei salasyndaǧy sarapşylardyŋ mälımetınşe, bügınde Resei aumaǧyndaǧy muzeilerde XIX-XX ǧasyrlarda Qazaqstan aumaǧynda jürgızılgen ǧylymi ekspedisiialar kezınde satyp alynǧan nemese syiǧa tartylǧan eksponattar saqtalǧan. Öz kezegınde köp jaǧdaida būl zattar qazaq halqynyŋ memleket retındegı tarihynda maŋyzdy röl atqarǧan tūlǧalarǧa tiesılı. Sondyqtan būl jädıgerlerdı nemese olardyŋ köşırmesın elge qaitaru mäselesı sol memlekettıŋ zaŋnamasymen ekı eldıŋ arasyndaǧy memleketaralyq kelısım aiasynda pysyqtalady», – dedı ministrlıkten.
