Sadaq atudan III Gran-pri Astana halyqaralyq turnirınıŋ jeŋımpazdary anyqtaldy, dep habarlaidy astana-akshamy.kz
Halyqaralyq jarys 27 mausym – 2 şılde künderı aralyǧynda elorda törınde ötken bolatyn.
Älemnıŋ eŋ myqty degen Oŋtüstık Koreia, Resei, Belarus, BAÄ syndy jäne basqa da elderı bas qosqan aituly jarystyŋ jeŋımpazdarynyŋ esımı tolyq belgılı boldy. 5 künge jalǧasqan turnirde klassikalyq jäne bloktyq sadaq atudan eresekter, 18 jasqa deiıngı jäne 21 jasqa deiıngıler arasynda 11 jülde jiyntyǧy sarapqa salyndy.
«Klassikalyq sadaq atudan komandalyq jäne miks jattyǧuy boiynşa jüldege talastym. Qos saiysta öner körsetken soŋ psihologiialyq jaǧynan qiyn boldy. Abyroi bolǧanda, 1 kümıs, 1 qola jülde aldyq. Jalpy jarysta bäsekelestık deŋgeiı joǧary boldy. Özderıŋız bıletındei, sadaq atudan Reseidıŋ sportşylary Olimpiadada tūraqty türde jüldelı oryndardan körınedı. Myqty qarsylaspen bırge synǧa tüsu öz qatelıgıŋdı körsetıp, öz şeberlıgıŋdı ösıredı», – dedı qatysuşy Aleksandra Voropaeva emosiiasymen bölısıp.
Jalpy jülde kestesı:
Olimpiada baǧdarlamasyna kırmeitın bloktyq sadaq atu. 50 metr;
Resei – 3 altyn;
Qazaqstan – 2 altyn, 5 kümıs, 4 qola;
BAÄ – 1 qola.
Olimpiada baǧdarlamasyna kıretın klassikalyq sadaq atu. 75 metr
Qazaqstan – 3 altyn, 4 kümıs, 5 qola;
Belarus – 2 altyn, 1 qola;
Resei – 1 altyn, 2 kümıs.
«Astana qalasyna alǧaş ret kelıp tūrmyn. Bırıkken Arab Ämırlıgımen salystyrǧanda Astananyŋ aua raiy qolaily ärı taza eken. Jergılıktı tūrǧyndardyŋ öte ūqypty, tazalyqqa jandary qūmar ekendıgın baiqadym. Qazaqstanda osyndai tazalyq aksiiasy jürıp jatqanyn estıdım. Jalpy ainalamyzdy taza ūstau, kez kelgen azamattyŋ mındetı. Ainalaŋ taza bolsa,tabiǧattyŋ sūlulyǧyn tamaşalai alasyŋ ǧoi», – dedı BAÄ bas bapkerı Rouda Aljasmi jarystan bölek, «Taza Qazaqstan» aksiiasy boiynşa da pıkırın bıldırıp.
Aita ketsek, sadaq atudan gran-pri bäsekesı elordada osymen üşınşı märte öttı.
