Memleket basşysy Qasym-Jomart Toqaev QR Prezidentı Is basqarmasynyŋ Medisinalyq ortalyǧyna qarasty Sanitariialyq-epidemiologiialyq saraptama ortalyǧynyŋ biyl paidalanuǧa berılgen jaŋa ǧimaratyn aralap kördı.
Sanitariialyq-epidemiologiialyq saraptama ortalyǧynda qorşaǧan orta obektılerıne jäne tamaq önımderıne bakteriologiialyq, molekuliarlyq-genetikalyq, parazitologiialyq, sanitariialyq-himiialyq jäne toksikologiialyq, radiologiialyq zertteu jūmystary jürgızıledı.
Memleket basşysyna ortalyqtaǧy zamanaui qūraldarmen jabdyqtalǧan jäne eŋ jaŋa ädıstemelerdı paidalana otyryp, jedel ärı naqty nätijelerdı aluǧa mümkındık beretın zerthanalar tanystyryldy. Onda zamanaui analizatorlarmen bırge agressivtı-himiialyq reaktivterdı qajet etpeitın, ekspress-ädıstemelerdı qoldanatyn portativtı zerthanalyq qūrylǧylar ornatylǧan. Būl zertteu uaqytyn edäuır qysqartyp qana qoimai, qarjyny da ünemdeidı.
Qazaqstan Respublikasy Prezidentınıŋ Is basqarmasy Medisinalyq ortalyǧynyŋ basşysy Aleksei Soidyŋ aituynşa, Sanitariialyq-epidemiialyq saraptama ortalyǧynda 8 zerthana jūmys ısteidı. Aldaǧy uaqytta zertteuler nomenklaturasyn jylyna 2000-ǧa deiın keŋeitu közdelıp otyr. Sonymen qatar zertteulerdıŋ jaŋa türlerın, halyqaralyq sapa jäne qūzyrettılık standarttaryn engızu nätijesınde ortalyq referens zerthana märtebesıne ie bola alady. Iаǧni basqa zerthanalardaǧy kümän tudyrǧan zertteulerdıŋ dūrystyǧy men däldıgın osy jerde naqty tekseruge bolady. Qasym-Jomart Toqaev öz mındetterın ülken jauapkerşılıkpen atqaryp jürgen mamandarǧa alǧys aityp, jaŋa saraptama ortalyǧy el igılıgıne qyzmet etetınıne senım bıldırdı. Sonymen qatar Memleket basşysy Medisinalyq ortalyqtyŋ qoǧamdyq densaulyq saqtau ısıne qosqan ülesı men strategiialyq maŋyzy zor ekenın atap öttı.
