Bügın qala äkımı Jeŋıs Qasymbek elorda tūrǧyny, osy jyly şahmattan jasöspırımder arasynda älem chempiony atanǧan Qazybek Nögerbekpen kezdesıp, oǧan Astana qalasy şahmat federasiiasynyŋ qoldauymen qaladan 2 bölmelı päterdıŋ sertifikatyn tabystady, dep habarlaidy astana-akshamy.kz
Jas şahmatşy 20 jasqa deiıngı FIDE World Junior (Open & Girls) Chess Championships 2024 bäsekesınde altyn medalǧa ie bolǧan edı. Mausym aiynda ötken chempionatqa 120-dan astam qatysuşy, onyŋ ışınde 13 grossmeister men 27 halyqaralyq şeberı qatysty.
-Qazybektı, onyŋ tuystaryn, jattyqtyruşysyn jäne Qazaqstan şahmat federasiiasyn aituly jeŋısımen qūttyqtaimyn! Sızderdıŋ şydamdylyqtaryŋyz, eŋbekqorlyqtaryŋyz jäne şahmatqa degen süiıspenşılıkterıŋız qaşanda qūrmetke laiyq! Qazybekke aldaǧy uaqytta da ülken jeŋıster tıleimın! Öz tarapymyzdan şahmattan qala qūramasyna kömek körsetudı ary qarai jalǧastyramyz, – dedı äkım.
