Eŋbekminı şetelde jūmys ısteitın qazaqstandyqtardyŋ qūqyqtaryn qamtamasyz etu jönındegı jūmysty jalǧastyruda, dep habarlaidy astana-akshamy.kz
Eŋbek jäne halyqty äleumettık qorǧau ministrlıgı Qazaqstan Respublikasy köşı-qon saiasatynyŋ 2023-2027 jyldarǧa arnalǧan tūjyrymdamasyn ıske asyru şeŋberınde Qazaqstan azamattarynyŋ edäuır sanyn tartatyn eldermen eŋbek migranttarynyŋ eŋbek jäne äleumettık qūqyqtaryn qamtamasyz etu jönındegı ekıjaqty kelısımderdı pysyqtau jürgızude.
Bügınde eŋbek qyzmetın retteu jäne eŋbekşı-migranttardyŋ qūqyqtaryn qorǧau jönındegı kelısımderdıŋ jobalary Türkiia, BAÄ, Saud Arabiiasy, Ūlybritaniia, Koreia Respublikasy, İzrail, Germaniia, Latviia jäne Jaŋa Zelandiia siiaqty memlekettermen äzırlendı.
Būl rette Katarmen kelısımge qol jetkızıldı, ol eŋbek migranttarynyŋ kelu, bolu jäne ketu tärtıbın; olardyŋ eŋbekaqy töleu jäne eŋbek jaǧdailary, ötemaqylar bölıgındegı qūqyqtaryn qorǧaudy; eŋbek mındetterın oryndau kezınde mertıgu kezınde zalaldy öteu tärtıbın jäne t. b. reglamentteidı.
Bolaşaqta qol jetkızılgen barlyq ekıjaqty kelısımder Qazaqstannan da, kontragent-elderden de eŋbek migranttarynyŋ eŋbek jäne äleumettık qūqyqtaryn qamtamasyz etuge mümkındık beredı.
Sondai-aq, Koreia Respublikasynyŋ Eŋbek jäne jūmyspen qamtu ministrlıgımen bırlesıp, Qazaqstandy Oŋtüstık Koreiada zaŋdy türde jūmysqa ornalasuǧa, sondai-aq olarǧa teŋ eŋbek jaǧdailary men qūqyqtardy qorǧaudy qamtamasyz etuge mümkındık beretın «Employment permit System» (būdan ärı – EPS) Oŋtüstık Koreia jüiesıne qosu boiynşa jūmys jürgızılude.
Būdan basqa, Qonaev qalasynda EPS jüiesı boiynşa qazaqstandyqtardy oqytudy jürgızu üşın ortalyq qūru boiynşa jūmys jürgızılude.
