Byltyr elımızge saiahattaǧan ışkı turisterdıŋ sany 11%-ǧa artyp, şamamen 5,4 mln adamǧa jettı. Onyŋ ışınde şeteldık turisterdıŋ sany – 835 myŋ adam. Iаǧni, ışkı turisterdıŋ üşten bırı şeteldıkterdıŋ ülesıne tiesılı. Sol şeteldık saiahtaşylardy qabyldauda Astana 2 orynda, dep habarlaidy astana-akshamy.kz.
QR Turizm jäne sport ministrlıgı şeteldık turisterdı eŋ qöp qabyldaǧan elımızdegı TOP-5 qalany ūsyndy. Şeteldık turister arasynda elımızdıŋ oŋtüstık astanasy turistık öŋır retınde keŋ tanymal. Mäselen, 2023 jylǧy alǧaşqy toǧyz aida Almatyǧa 409 394 adam saiahattap kelgen. Osylaişa, Alatau bauraiyndaǧy aru qala Almaty şeteldık turisterdı eŋ qöp qabyldaityn elımızdegı qalalardyŋ köşın bastady. Almaty qalasy şeteldıkter üşın tau-şaŋǧy kurorttarymen, sūlu tabiǧatymen, qolaily aua raiymen tartymdy. Juyrda äigılı italiialyq Condé Nast Traveller Italia basylymy Almatydaǧy Şymbūlaq tau şaŋǧy kurortyn älem saiahatşylary mındettı türde baruǧa tiıs TOP-5 orynnyŋ bırı retınde ūsynsa, amerikalyq New York Times nūsqasy boiynşa Almaty 2024 jyly baruǧa tūrarlyq 52 oryn tızımıne engen bolatyn.
Ekınşı orynǧa el ordasy – Astana qalasy jaiǧasty. Elımızdıŋ bas qalasyna şeteldıkter ıskerlık turizm boiynşa jiı keledı. 2023 jyldyŋ 9 aiynda Astanaǧa 220 000 şeteldık qonaq kelgen.
Reitingtıŋ üşınşı ornyna Maŋǧystau oblysy jaiǧasty. Qart Kaspiidıŋ jaǧasynda ornalasqan Aqtauǧa byltyrǧy qaŋtar-qyrküiek aralyǧynda 34 435 şeteldık saiahatşynyŋ tabany tigen. Üzdık bestıktıŋ qataryna Atyrau oblysy men Şymkent qalasy endı. Ötken jyldyŋ alǧaşqy 9 aiynda mūnaily ölkege 24 431 şeteldık turist kelgen bolsa, elımızdıŋ üşınşı megapolisıne 20 837 şeteldık turist saiahattaǧan.
«Elımızdıŋ turistık äleuetı men dästürlı qonaqjailyǧynyŋ arqasynda Qazaqstan şeteldıkter arasynda älemdegı eŋ tanymal turistık baǧyttardyŋ bırıne ainalyp keledı. Qazırgı taŋda Qazaqstanǧa 74 eldıŋ ökılderı vizasyz kele alady. Aldaǧy uaqytta būl körsetkıştı 100-ge deiın jetkızudı josparlap jatyrmyz. Būdan bölek, 28 elmen 120 marşrut boiynşa halyqaralyq äue qatynasy jolǧa qoiylǧan», – dedı Turizm industriiasy komitetı töraǧasynyŋ m. a. Nūrtas Kärıpbaev.
