Şanhai yntymaqtastyq ūiymy sammitınıŋ ötuıne bailanysty elorda töŋıregıne blok- posttar qoiyldy. Būl turaly Işkı ıster ministrınıŋ bırınşı orynbasary Marat Qojaev aitty, dep habarlaidy astana-akshamy.kz.
«Elımızde, elordada geosaiasi tūrǧyda zor maŋyzy bar öte auqymdy saiasi ıs-şara ötetındıgıne bailanysty qazırgı uaqytta polisiia küşeitılgen jūmys rejimıne köşırıldı», – dedı ol Senattyŋ jalpy otyrysy aiasynda BAQ ökılderınıŋ saualyna orai.
Sonymen qatar ministrdıŋ bırınşı orynbasary elorda töŋıregıne blok-posttar ornatylǧanyn aitty. Bıraq olardyŋ sanyn aitudan bas tartty.
«Sondyqtan da mūndai şaralar qoldanylady. Būl – Qazaqstan tapqan dünie emes, halyqaralyq täjıribe. Bız mūnyŋ bärın eŋ aldymen halyqtyŋ qauıpsızdıgı üşın jasaimyz. Märtebelı meimandar, ülken delegasiia keletındıgıne bailanysty aldyn ala eskertemız. Strategiialyq mekemeler küzetke alynǧan. Körşı memleketterde bolǧan oqiǧalarǧa bailanysty jasaqtarymyzdy dıni jäne özge de nysandarǧa jaqyndattyq», – dedı Marat Qojaev.
