Qorşaǧan ortany qorǧau salasyndaǧy yntymaqtastyqty damytu perspektivalary talqylandy
Bügın Astanada ŞYŪ şeŋberınde qorşaǧan ortany qorǧau salasyndaǧy yntymaqtastyqty damytu perspektivalary talqylandy, dep habarlaidy astana-akshamy.kz
Elordada qorşaǧan ortany qorǧau mäselelerıne jetekşılık etetın ŞYŪ-ǧa müşe memleketterdıŋ ministrlerı men vedomstvo basşylarynyŋ 5-şı keŋesı öttı.
Is-şaraǧa ŞYŪ Bas hatşysy Chjan Min myrza, sondai-aq Ündıstan, İran, Qytai, Qyrǧyzstan, Päkıstan, Resei, Täjıkstan, Özbekstan jäne Belarus delegasiialary qatysty.
Keŋeske qatysuşylarǧa QR Ekologiia jäne tabiǧi resurstar ministrı Erlan Nysanbaev qūttyqtau söz söiledı.
Atap aitqanda, ol: «Öz qyzmetınıŋ 23 jylynda ŞYŪ yqpaldy halyqaralyq instituttardyŋ bırıne jäne bızdıŋ elderımız arasyndaǧy yntymaqtastyqty nyǧaituda jäne öŋırlık jäne jahandyq problemalardy şeşu boiynşa qajettı qadamdardy qabyldauda tiımdı qūralǧa ainaldy.
Ekologiialyq problemalardyŋ şegı joq jäne ŞYŪ-nyŋ barlyq elderıne ūqsas ekologiialyq problemalar tän, olardy tek küş bırıktıru arqyly bırlesıp şeşu qajet».
Būdan ärı delegasiia basşylary ŞYŪ şeŋberınde qorşaǧan ortany qorǧau salasyndaǧy yntymaqtastyqtyŋ qazırgı jaǧdaiy men damu perspektivalary turaly baiandamalar jasady.
Sondai-aq, keŋes barysynda ekologiialyq mäselelerdı şeşude, klimattyŋ özgeruınde, parniktık gazdar şyǧaryndylaryn azaituda, qaldyqtardy tiımdı basqaruda, erekşe qorǧalatyn tabiǧi aumaqtar salasyndaǧy yntymaqtastyqty damytuda bırlesken ıs-qimyldar jasauǧa baǧyttalǧan bırqatar mäseleler qaraldy.
«Bügıngı keŋes ŞYŪ-nyŋ Qorşaǧan ortany qorǧau salasyndaǧy qyzmetın jetıldıru jäne bızdıŋ elder basşylarynyŋ aldymyzǧa qoiǧan mındetterın ıske asyru üşın jaqsy serpın bolatynyna senımdımın.
Keŋestıŋ barlyq qatysuşylaryna jemıstı jūmys tıleimın», – dedı E.Nysanbaev öz sözınıŋ soŋynda.
