Aqparattyq jüiege tört modul kıredı: derekterdı jinau, taldau, boljau jäne modeldeu. Ol «Qazaqstan Ǧaryş Sapary», «Qazgidromet» jäne «Ūlttyq geodeziia jäne keŋıstıktık aqparat ortalyǧynyŋ» jedel jäne köpjyldyq derekterın paidalanatyn bolady.
Sondai-aq jüie su tasqyny, sel, köşkın qaupı bar uchaskeler men gidrotehnikalyq qūrylystar boiynşa TJM derekter bazasymen bırıktırıledı.
Sifrlyq damu, innovasiialar jäne aeroǧaryş önerkäsıbı ministrlıgı europalyq Jerdı qaşyqtan zondtau baǧdarlamasyn qoldanudy ūsyndy. Sonymen qatar vise-premer otandyq sifrlyq şeşımderdı qarastyrudy tapsyrdy.
Būǧan qosa, auqymdy derekter közın qalyptastyru üşın vise-premer gidro jäne meteoposttardyŋ sanyn köbeitudı, su aidyndary men özenderdıŋ batimetriiasyn jürgızudı, sondai-aq su tasqyny qūbylystary jiı oryn alatyn eldı mekenderdıŋ «sifrlyq relefın» qūrudy tapsyrdy.
