Qazaqstanda su tasqynynan zardap şekken otbasylarǧa arnalǧan 1 828 üidıŋ qūrylysy jürgızılude,dep habarlaidy astana-akshamy.kz.
Premer-Ministr Oljas Bektenovtıŋ töraǧalyǧymen ötken Ükımet otyrysynda su tasqynynan zardap şekken öŋırlerdegı jöndeu-qalpyna keltıru jūmystarynyŋ barysy qaraldy. Qazırgı kezdegı jaǧdai turaly önerkäsıp jäne qūrylys ministrı Qanat Şarlapaev baiandady.
Qazaqstanda su tasqyny saldarynan 18 005 jyljymaityn mülık nysany zardap şekken dep tanyldy. Olardyŋ 17 295-de saraptama nätijesı bar. Bır apta ışınde resımdelgen qorytyndylardyŋ artuy 1 375 qūrady. 2 245 nysannyŋ qūrylysyn jürgızu, jyljymaityn mülık naryǧynan 5 235 üi men päter satyp alu, 9 819 tūrǧyn üidı jöndeu josparlanǧan.
• Önerkäsıp jäne qūrylys ministrı Qanat Şarlapaev baiandaǧandai, TJ saldarynan baspanasynan aiyrylǧan azamattarǧa tūrǧyn üi beru Qaǧidasyna tüzetuler engızıluıne bailanysty BQO-da tūrǧyn üi sany 4 042-den 6 061-ge deiın östı.
Bügıngı taŋda elımızde 1 828 üidıŋ qūrylysy bastaldy, būl 81%-dy qūraidy. Būl rette BQO men Aqmola oblysynda qūrylys jūmysy men jūmyldyrudyŋ tömen qarqyny oryn aluda. Aqtöbe oblysy men BQO-da älı künge deiın 2 122 üi su astynda qalyp otyr. TK qorytyndylarynyŋ joqtyǧyna qaramastan, menşık ielerı üşın tūrǧyn üi salu jäne satyp alu boiynşa şaralar qabyldanuda.
Jyljymaityn mülkı jaramsyz dep tanylǧan qazaqstandyqtar üşın 1 943 nysan satyp alyndy. Bügıngı taŋda 1 772 üidıŋ ielerı tölem aldy.
Ahualdyq ortalyq jäne Eŋbek resurstaryn damytu ortalyǧy barlyq kezeŋderde eGov jäne «Äleumettık kömek» AAJ arqyly azamattardan ötınışterdı qabyldau jäne öŋdeu prosesın baqylaidy. Sifrlandyru esebınen ıske asyru kezeŋderı bölınısınde monitoring qamtamasyz etıldı.
Är öŋırdegı jappai qūrylys alaŋdarynda täulık boiy onlain qoljetımdılıgı bar 52 kamera ornalastyrylǧan. Aldaǧy aptada Aqtöbe oblysynda qosymşa 6 kamera qosylady.
