Älihan Bökeihan atyndaǧy №76 mektep-liseiınde bastauyş synyp bırlestıgı mūǧalımderımen qūndylyqqa baǧyttalǧan bılım beru negızınde «Lesson study: teoriiadan täjıribege ızdenıs» taqyrybynda qalalyq seminar öttı. Maqsaty – yntymaqtastyq orta qūru arqyly sabaqty zertteudegı ıs-täjıribemen bölısu.
Būl ıs-şaraǧa Astana mektepterınen bırlestık jetekşılerı men jas mamandar qatysty. Seminardyŋ qatysuşylarǧa bererı mol boldy. Sabaqty zertteudı oqyp bılgennen görı, täjıribede qoldanyp, bırge jasaǧan äldeqaida tiımdı ekenıne taǧy bır köz jetkızdık. Seminardy mektep direktory Botagöz Seideş aşyp, qatysuşylarǧa sättılık tıledı. B.Bolatbekqyzy mektebımızde ötıp jatqan zertteu jūmystarymen tanystyryp, nätijesımen bölıstı. Ädıstemelık ortalyq ädıskerı Nūrjamal Äzımbai «Sabaqta qoldanatyn interbelsendı ädıs-täsılder» taqyrybyndaǧy jūmysymen bölıstı. Direktordyŋ beiındı ısı jönındegı meŋgeruşısı Şaizat Taşenova sabaqty zertteu mektebımızde qalai ūiymdastyrylyp jatqany turaly baiandama jasady. Seminar zertteu sabaqtaryn josparlaudan bastaldy. Oǧan tört zertteu toby qatysty. Är top jetekşısı sol küngı sabaq josparyn top müşelerımen talqylap, toppen bırge būǧan deiın engen özgerısterdı sabaq josparyna qosty. Ärıptester josparlaudyŋ barysyn körıp, baqylap, tüsınbegen sūraqtaryna jauap aldy. Josparlau aiaqtalǧannan keiın tört synypta zertteu sabaqtary ötkızıldı. Zertteu taqyryptaryna bailanysty ötken zertteu sabaqtary qyzyqty ärı tartymdy boldy. Sabaq jospary top müşelerımen bırge jasalǧandyqtan, därıstı ötkızu mūǧalımderge qiyndyq äkelgen joq. Är sabaq joǧary deŋgeide öttı. Zertteu sabaqtary aiaqtalǧan soŋ sabaqty talqylau boldy. Fasilitator ötken sabaqtyŋ hattamasyn jaza otyryp, kelesı sabaqta nenı qalai zertteu keregın naqtylap otyrdy. Onda mūǧalımder ötken sabaqty egjei-tegjei talqylap, sabaqtyŋ sättı, sätsız tūsyn ortaǧa saldy jäne kelesı sabaqty josparlady. Seminar barysynda qatysuşylar sabaqty zertteudıŋ barlyq kezeŋıne qatysyp, sūraq qoiyp, pıkırtalas jasap, belsendılık tanytty. Bastauyş synyptardaǧy segız zertteu toby öz posterın qorǧady. Būl jerde barlyq zertteu toby öz zertteu taqyryptaryn aşyp, taldap, bügınge deiın jasalǧan jūmys nätijelerımen bölıstı. Keiın kelgen qonaqtar şeberlık synyptarǧa qatysyp, täjıribe almasty. Şeberlık synyptarda mektebımızdıŋ zertteuşı ūstazdary öz sabaqtaryndaǧy ozyq täjıribelerın ortaǧa salyp, zertteudıŋ qyr-syrymen tanystyrdy. Osy aralyqtarda kelgen qonaqtardan sūhbat alynyp, kerı bailanys jasalyp otyrdy. Kelgen ūstazdar seminardan alǧan insaittary men öz keisterıne özek etıp alǧan ädısterı turaly äserın ortaǧa saldy jäne mektep ūstazdaryna degen jyly lebızın bıldırdı.
Qorytyndy bölımde ädıstemelık ortalyq ädıskerı Nūrjamal Äzımbai ūiymdastyrylǧan jūmystardyŋ nätijesın körıp, joǧary baǧasyn berdı. Joǧary deŋgeide ūiymdastyrylǧan seminardyŋ kuäsı bolǧanyn aityp, ärıptesterge şyǧarmaşylyq tabys tıledı.
Dünie jüzındegı köptegen mūǧalım ıs-täjıribesınen tūraqty oryn alǧan oqytu jūmysyn ūiymdastyru men josparlaudyŋ negızgı qaǧidattaryn qoldanu oryndy da nätijelı ekenın däleldeitın faktıler bügıngı taŋda ǧylymi-pedagogikalyq ädebiette jetkılıktı deŋgeide kezdesedı. Degenmen osy jūmystardy mūǧalım közben körıp, bırge baqylap, bırge jasasa, ol äldeqaida tiımdı bolmaq. Bırlese atqarǧan jūmystarymyz ärı qarai da jalǧasyn tabady.
Saltanat JÜSIPOVA,
Läzzat ÄBDIROVA,
Älihan Bökeihan atyndaǧy №76 mektep-liseiınıŋ bastauyş synyp mūǧalımderı
