Taşkentte şyǧatyn qazaq tıldı «Nūrly jol» gazetınıŋ jaryqqa şyǧa bastaǧanyna 33 jyl toldy.
Körşı eldegı qandastarymyz üşın üzbei aqparat taratyp kele jatqan respublikalyq basylym Özbekstan Olii mäjılısı men Ükımetınıŋ qoldauymen şyǧady. Saiasi-äleumettık mäselelerden bastap auyl azamattarynyŋ ömırı jaily da maqalalar üzdıksız berılıp otyratyn gazet aptasyna ekı ret 5 myŋ taralymmen jaryq köredı.
«Dostyq tuy» degen ataumen 1991 jyldyŋ 10 qaŋtarynda jaryq körgen gazettıŋ alǧaşqy bırneşe sany Şymkenttegı baspahanada basylǧan. Arada ekı jyl ötkende atauy «Nūrly jol» dep özgergen basylym, negızınen, eldıŋ saiasi ömırın, äleumettıŋ jaiyn, Özbekstandaǧy qazaq diasporasynyŋ tynys-tırşılıgın nazarda ūstaidy.
«Qazaqstanmen bailanysymyz jaqsy. «Otandastar» qory boiynşa köp material şyǧady. «Egemen Qazaqstan», «Astana aqşamy» gazetterımen şyǧarmaşylyq bailanys ūstaimyz» deidı Qazaqstan Respublikasy Prezidentınıŋ Alǧys hatymen marapattalǧan «Nūrly jol» gazetınıŋ bas redaktory Ǧūlamzäkır Iýsupov.
Bügıngı taŋda «Nūrly jol» gazetınde 20-ǧa juyq qyzmetker eŋbek etedı. Olardyŋ qatarynda Qazaqstannyŋ joǧary oqu oryndarynda oqyǧan jurnalister de bar. Gazet redaksiiasy Taşkenttıŋ ortalyǧyndaǧy Baspasöz üiınde ornalasqan.
