Memleket basşysy Qasym-Jomart Toqaevtyŋ tapsyrmasymen elımızde «Taza Qazaqstan» aksiiasy ötkenı belgılı. Äu basta aksiia belgılı bır uaqytpen şektelıp qalmai, jyl boiy jalǧassyn tapsa degen ūsynys aitylǧan-dy. Mūny qaperıne alǧan Astana qalasynyŋ äkımdıgı «Taza Astana» äleumettık jobasyn qolǧa alyp, elordalyqtardy jobaǧa belsendı atsalysuǧa şaqyryp otyr.
Jobanyŋ maqsaty qandai? Nege basymdyq berıledı? Osy jäne özge saualdarǧa jauap ızdegenderge «Örken qala» JŞS ökılderı arnaiy jiyn ūiymdastyrdy. Is-şaraǧa tūrǧyn üige qyzmet körsetetın ūiymdardyŋ basşylary, MİB töraǧalary, tūrǧyn üi ortalyǧynyŋ jäne audan äkımdıkterınıŋ bırqatar mamany qatysty.
«Örken qala» JŞS basşysynyŋ orynbasary Gulvira Abetova jinalǧandarǧa şyraily şahardy ärdaiym taza ūstau üşın bır kündık senbılık jäne ailyqtar ötkızumen şektelıp qalmau kerek ekenın jetkızdı.
«Taza Astana» jobasyna erıktılerdı, qoǧam belsendılerın, deputattardy tartu közdelıp otyr. Ärine, qarapaiym tūrǧyndar da qalys qalmauy maŋyzdy. Sebebı, maqsat ortaq. Elordanyŋ tazalyǧyna är tūrǧyn alaŋdauǧa tiıs. Būl rette, tūrǧyndarmen qarym-qatynas ornatuda tūrǧyn üilerge qyzmet körsetetın ūiymdardyŋ ökılderı belsendı boluy kerek. Osylaişa, jyl boiy abattandyru, kögaldandyru, tazalau jūmystary jüielı jürgızıledı degen senımdemın», – dedı Gulvira Abetova.
Jobanyŋ taǧy bır tiımdılıgı, körşılerdıŋ bırlıgın arttyryp, bır-bırımen baiandy bailanys ornatuyna da septıgın tigızbek. Jasyratyny joq, keibır tūrǧyndar üidıŋ tazalǧyna atsalysu bylai tūrsyn, körşılerın de tanymaidy. Mūny tūrǧyn üilerge qyzmet körsetetın ūiymdardyŋ ökılderı de rastap otyr. Olar tūrǧyndarda erınşektık basym ekenın alǧa tartyp, kondominumnyŋ ortaq nysandaryn kütıp-ūstauǧa atüstı qaraitynyn da jasyrmady. Būl rette, äleumettık joba mūndai keleŋsızdıkterdı joiuǧa türtkı bolady dep kütılıp otyr.
Belgılı bolǧandai, aulalardaǧy jūmystardyŋ sapasyn baqylau üşın arnaiy ekologiialyq komissiia qūrylmaq. Olar ai saiyn «eŋ üzdık aula», «eŋ üzdık ūiym» siiaqty üzdıkterdıŋ üzdıgın anyqtap, tūrǧyndardy yntalandyryp otyrmaq. Alǧys hattar öz aldyna, baǧaly syilyqtar ülestırıletının atap ötken jön.
