Mamyr aiynda qazaqstandyq avtodilerler 12 813 jaŋa kölık satqan, būl bır jyl būrynǧydan 13,2 paiyzǧa az, dep habarlaidy astana-akshamy.kz
Aǧymdaǧy jyldyŋ säuır aiynda Qazaqstannyŋ avtomobil naryǧynda satylymnyŋ öskenı baiqalǧan bolatyn, alaida mamyrda būl ürdıs jalǧasyn tappady.
Qazaqstan avtomobil odaǧynyŋ (QAO) mälımetıne süiensek, bır aida eldegı avtosalondar 12 032 jeŋıl avtokölık, 781 jük kölıgın jäne bır avtobus satqan. Būl 2024 jylǧy säuırmen salystyrǧanda 19,56 paiyzǧa jäne ötken jylmen salystyrǧanda 13,2 paiyzǧa az. Alaida, QAO atap ötkendei, mūndai qūldyrau aldyn ala boljanǧan jäne qazır naryq būrynǧy betalysyna oralyp kele jatyr. Bır qyzyǧy, Qazaqstanda jaŋa kölıkterdıŋ satylymy azaiyp qana qoimai, avtonesiege sūranystyŋ da aitarlyqtai tömendegenı baiqalady.
Mamyr aiynda nesieler sany 10 paiyzǧa, al olardyŋ jalpy somasy 7 paiyzǧa qysqarǧanyn būǧan deiın habarlaǧan bolatynbyz. Būl jaǧdai satylymmen bailanysty boluy äbden mümkın.
Tanymal avtokölık brendterıne keletın bolsaq, mamyr aiynda qazaqstandyqtar Chevrolet Cobalt kölıgın köp satyp aldy – 1165. Odan keiın Hyundai Tucson – 1138 satylym, al üzdık üştıktı Kia Sportage aiaqtady. Onyŋ satylym sany 900 boldy. Sondai-aq üzdık bestıkke JAC J7 jäne Haval M6 – säikesınşe 514 jäne 438 satylymdar kıredı.
Jyl basynan berı qazaqstandyqtar 66 457 avtokölık satyp aldy, būl ötken jyldyŋ säikes kezeŋımen salystyrǧanda 0,1 paiyzǧa artyq.
Mamyrdaǧy baiqalatyn tömendeu naryqtaǧy sūranystyŋ naqty tömendeuıne äkelmegenı belgılı boldy. Jalpy alǧanda, sarapşylar 2024 jyly avtodilerler şamamen 160-165 myŋ jaŋa avtokölık sata alady dep boljaidy.
Eske sala keteiık, būǧan deiın Qazaqstanda eskı kölıkterdıŋ – 20 jyldan asqan kölıkterdıŋ ülesı artyp kele jatqany belgılı boldy.
