“Taza Qazaqstan” aksiiasy aiasynda 17 myŋnan astam äkımşılık qūqyq būzuşylyq anyqtaldy, dep habarlaidy astana-akshamy.kz
Aksiia aiasynda Astana qalasynyŋ Polisiia departamentı qorşaǧan ortany abattandyru, jalpy paidalanu oryndaryn lastau erejelerın būzudyŋ aldyn alu boiynşa ıs-şaralardy jüielı türde jürgızıp jatyr.
Atap aitqanda aksiia bastalǧaly poliseiler 17 myŋǧa juyq äkımşılık qūqyq būzuşylyqty anyqtaǧan. Onyŋ ışınde abattandyru erejelerın būzu – 7 007, qoǧamdyq oryndardy lastau – 3 695, joldyŋ jüru bölıgın lastau – 533, tögıletın jükterdı arnaiy ydyssyz tasymaldau, oqylmaityn memlekettık tırkeu nömırlerı – 5 780 bolǧan.
Is-şaranyŋ maqsaty – qoǧamda kez kelgen zaŋ būzuşylyqtarǧa “müldem tözbeuşılıktı” qalyptastyru.
Rūqsat etılmegen üiındılerdıŋ paida boluyna beiım oryndarda kündelıktı reidter jürgızılıp, belgısız oryndarǧa qoqys tüsıretın jäne aǧyndy sulardy aǧyzatyn tūlǧalardy anyqtau boiynşa maqsatty jūmystar jasalyp jatyr. Jyl basynan berı qoqys tüsırgen 144 jürgızuşı jauapkerşılıkke tartylǧan.
Astana qalalyq polisiia departamentı barşa qala tūrǧyndaryn qorşaǧan ortaǧa nemqūraily qaramauǧa, elordany körkeituge öz ülesterın qosuǧa şaqyrady. Belgısız oryndarǧa qoqys tögu, qūrylys nemese basqa da qaldyqtardy saqtaǧandardy körgen bolsaŋyz, dereu 102 arnasyna habarlaŋyz.
