Elordada «Taza Qazaqstan. Astana – tazalyq pen tärtıptıŋ ülgısı» auqymdy ekologiialyq aksiia asynda jaŋa «Taza Astana» äleumettık jobasy ıske qosyldy, dep habarlaidy astana-akshamy.kz
Tūrǧyn üi ortalyǧy qala tūrǧyndaryna jobany tanystyru boiynşa kezdesuler ötkızudı bastaidy.
27 mausym künı saǧat 16:00-de Respublika daŋǧyly, 32 mekenjaiy boiynşa «Taza Astana» jaŋa äleumettık jobasymen alǧaşqy tanysu kezdesuı ötedı.
Jobany ıske asyru aiasynda tūrǧyndarǧa qalaǧa degen közqarasty tūtynuşynyŋ közımen ǧana emes, sol siiaqty jaqsartu üşın damytudy jalǧastyru ūsynylady.
Kezdesuge basqaruşylar, MİB/PİK töraǧalary, servis subektılerı şaqyrylady.
«Taza Astana» jobasynyŋ maqsaty – ärbır aulada tazalyq pen tärtıpke sanaly, adal közqaras qalyptastyru.
Joba aiasynda arnaiy qūrylǧan ekologiialyq komissiia toqsan saiyn «Eŋ taza aula», «Eŋ üzdık käsıporyn», «Eŋ üzdık mekeme» ataqtaryn belgıleidı.
Komissiiaǧa Astana qoǧamdyq keŋesınıŋ ökılderı, pıkır köşbasşylary, mäslihat deputattary, Atameken ÖKP salalyq keŋesterınıŋ, salalyq qauymdastyqtardyŋ, mügedekter, ardagerler qoǧamdastyq bırlestıkterınıŋ ökılderı, ekologtar jäne t.b. kıredı.
Esterıŋızge sala keteiık, Astanada «Taza Qazaqstan. Astana – tazalyq pen tärtıptıŋ ülgısı» aksiiasy ötıp jatyr, ol säuır aiynan bastau aldy. Oǧan qala tūrǧyndary, eŋbek ūjymdary, memlekettık organdardyŋ qyzmetkerlerı, şaǧyn jäne orta biznes subektılerı (bazarlar, sauda oiyn-sauyq ortalyqtary, kafeler, meiramhanalar jäne t.b.), erıktıler, oquşylar men studentter, MİB (PİK) jäne basqalar qatysady.
Ekoaksiia aiasynda qalany, nöser jäne aryq kärız jelılerın sanitarlyq tazartu, köşelerdı, trotuarlardy, kvartalışılık aumaqtardy, qoǧamdyq keŋıstıkter men aulalardy tazalau jürgızıledı. Sondai-aq, jasyl jelekterdı kütıp-baptau jäne otyrǧyzu boiynşa mausymdyq agrotehnikalyq jūmystar, sauda obektılerıne ırgeles aumaqtardy jinau, kögaldar men gülzarlardy ornatu boiynşa ıs-şaralar, rūqsat etılmegen poligondardy joiu jürgızılıp jatyr.
