Memleket basşysynyŋ tapsyrmasy boiynşa 6 säuır men 11 mamyr aralyǧynda su tasqyny bolmaǧan öŋırlerde «Taza Qazaqstan» respublikalyq ekologiialyq aksiiasy öttı, dep habarlaidy astana-akshamy.kz.
Atalǧan bastamany qoldau maqsatynda apta saiyn «Taza ölke», «Kielı meken», «Jasyl aimaq», «Önegelı ūrpaq» jäne «Möldır būlaq» atty şaralar ūiymdastyrylyp, eldı mekenderdıŋ aumaqtaryn kögaldandyru, sanitariialyq tazalau jäne abattandyru jūmystary jürgızıldı.
Jergılıktı atqaruşy organdardyŋ mälımetterı boiynşa aksiiaǧa 2,4 millionǧa juyq adam, sonyŋ ışınde erıktıler, qoǧam qairatkerlerı, biudjettık ūiymdardyŋ qyzmetkerlerı men käsıpkerler qatysty. Jüzdegen myŋ aula men 20 myŋnan astam äleumettık nysannyŋ aumaǧy tazartyldy, 900 myŋ tonnadan astam qoqys şyǧaryldy, şamamen 2,5 million köşet otyrǧyzyldy. 4,6 myŋnan astam qoǧamdyq oryndar, saiabaqtar, şaǧyn baqtar abattandyryldy. Şamamen 300 myŋ şarşy metr köşe-jol jabyny (plitka, kespe tas jäne t.b.) jöndeldı jäne auystyryldy. 5 myŋnan astam tarihi-mädeni nysan jäne 758 subūrqaq retke keltırıldı.
Atalǧan ıs-şaraǧa 40 myŋnan astam arnaiy tehnika tartyldy.
