Astanada Jastar saiasaty mäselelerı basqarmasynyŋ qoldauymen «Taza Qazaqstan» jalpyūlttyq bastamasy aiasynda «Taza beisenbı» ekologiialyq aksiiasy öttı. Is-şaraǧa qatysqan «Jasyl el» jastar ūiymynyŋ müşelerı Baiqoŋyr audanyna qarasty Öndırıs tūrǧyn alabynyŋ aumaǧyn kül-qoqystan tazartyp, ainalany abattandyruǧa atsalysty.
«Respublikalyq studenttık qūrylys jäne jastar jasaqtary qozǧalysy» qoǧamdyq qorynyŋ jetekşısı Marat Mūhamedjanūlynyŋ aituynşa, tazalyq aksiiasyna 100-den astam adam qatysty.
– «Jasyl el» baǧdarlamasyn ıske asyru – memlekettık jastar saiasatynyŋ negızgı basym baǧyttarynyŋ bırı. Ol jastardyŋ küşımen elımızdı kögaldandyru, abattandyru arqyly student jastardy eŋbekpen qamtamasyz etu, jastar arasynda ekologiialyq tärbienı nasihattau jäne dostyq qarym-qatynasty nyǧaitu, jastardyŋ tabiǧatqa qamqorlyqpen qarap, özınıŋ jerıne, elıne degen süiıspenşılıgın qalyptastyru maqsatynda ūiymdastyrylyp jür. Bügıngı ıs-şara barysynda Öndırıs tūrǧyn alabynyŋ ainalasyn tazartu jūmystary jürgızıldı. Elorda tūrǧyndary, öskeleŋ ūrpaq tabiǧi önım tūtynyp, taza auamen demalyp, sapaly su ışkenın qalasaq, ekologiialyq sana men mädeniettı qalyptastyruymyz kerek. Ony ärkım özınen bastaǧany jön, – dedı Marat Mūhamedjanūly.
Bas qalanyŋ ekologiialyq jaǧdaiyn jaqsartu jäne tazalyqty saqtau maqsatynda är apta saiyn ötkızıletın «Taza beisenbı» aksiiasy aiasynda elordalyq jüzden astam jastar aumaqtyŋ jan-jaǧyn retke keltırdı.
Astanadaǧy Jastar saiasaty mäselelerı basqarmasynyŋ bas mamany Erlan Nūrlanūly «Jasyl el» sarbazdarynyŋ qatysuymen bolǧan tazalyq aksiiasy mädeniet pen azamattardyŋ qorşaǧan ortaǧa degen sanaly közqarasyn qalyptastyrudy közdeitının atap öttı.
– «Jasyl el» eŋbek jasaqtarynyŋ jiyrmasynşy eŋbek mausymy bastaldy. Joba aiasynda elorda boiynşa 4200-den astam 14 pen 35 jas aralyǧyndaǧy jastar jūmyspen qamtamasyz etıledı. Bügın bız «Jasyl el» sarbazdarymen bırlesıp «Astana – tazalyq pen tärtıptıŋ ülgısı» atty ekologiia aksiiasy aiasynda qala maŋyndaǧy Öndırıs tūrǧyn alabynyŋ ainalasyn retke keltırdık. Jastar elordany kögaldandyru jūmystaryna belsene aralasyp, alaŋdarda, saiabaqtarda abattandyru, tazalyq jūmystaryn jürgızdı. 2005 jyly qūrylǧan köşbasşy ūiym belsendı jastardy bırıktırıp, olardy eŋbekke baulu, patriotizmdı qalyptastyruǧa üles qosuda. Jalpy, «Jasyl el» jobasy 14 pen 35 aralyǧyndaǧy jastar men studentterdı jūmysqa qabyldauda. Äleumettık joba 20 jyldan berı jastarǧa qoldau körsetıp keledı. Biyl köpbalaly äleumettık az qamtylǧan otbasylardyŋ balalaryn jūmyspen qamtu közdelıp otyr. Olarǧa arnaiy kiım jäne bır ailyq mölşerdegı eŋbekaqy tölenedı. Qatysuşylar jas erekşelıkterıne qarai toptarǧa bölınedı. Mäselen, 14 jasqa tolǧan oquşylar öz mektepterınıŋ maŋynda jūmys ısteidı. Odan bölek, saiabaqtar men aǧaştarǧa kütım jasap, aramşöpterın tazalaidy, qorşaǧan ortanyŋ körkeiuıne osylaişa öz ülesterın qosady. 14 pen 16 jas aralyǧyndaǧylar jas erekşelıkterıne qarai aptasyna 5 kün, 4 saǧattan kem emes jūmyspen qamtylady, – dedı bas maman.
«Taza beisenbı» aksiiasy är apta saiyn ūiymdastyrylyp keledı. Ol tek qoqys jinaumen şektelmeidı, būl aksiia jaŋa ekologiialyq oilaudy, halyqtyŋ ekologiialyq mädenietı men mınez-qūlqyn qūrudy, jaŋa ekologiialyq ädetterdıŋ paida boluyn bastauǧa mümkındık beredı.
Sonymen qatar «Taza Qazaqstan. Astana – tazalyq pen tärtıptıŋ ülgısı» ekologiialyq aksiiasy aiasynda qalalyq mäslihat deputattary men «Jasyl el» jastar eŋbek jasaqtary Prezident saiabaǧynda tazalyq jūmysyn jürgızdı.
– Bügıngı ıs-şara «Taza Qazaqstan: Astana – tazalyq pen tärtıptıŋ ülgısı» ekologiialyq aksiiasy aiasynda ötıp jatyr. Ekoaksiiany qalalyq mäslihat deputattary men «Jasyl el» HH mausymynyŋ jauyngerı qoldap otyr. Jalpy būl är mausym saiyn atqarylyp kele jatqan jūmys dep aituǧa bolady. «Jasyl el» jobasy aiasynda elordada biyl 14-35 jas aralyǧyndaǧy 4200-den astam jas jūmyspen qamtylyp otyr, – dedı Jastar saiasaty mäselelerı basqarmasynyŋ basşysy Samat İbraev.
Saiabaqta ötken tazalyq aksiiasyna elordalyq 8-synyp oquşysy Dariia Syzdyqova da qatysty. Onyŋ aituynşa, joba jazǧy demalysty paidaly ötkızuge mümkındık beredı.
«Men №68 mektep gimnaziiasynda oqimyn. «Jasyl el» jobasyna alǧaş ret qatysyp tūrmyn. Bız künıne 4 saǧat abattandyru jäne tazalyq jūmysyn jürgızemız. Jazǧy demalysty tiımdı ötkızıp jatyrmyz dep oilaimyn. Kelesı jyly da eŋbek jasaǧy qatarynda bolu oida bar» dedı elordalyq oquşy.
