Keşe elordada «Aqparattyq tehnologiialar salasynyŋ terminderı» respublikalyq baiqauynyŋ jeŋımpazdary marapattaldy. Qazaqstan Respublikasy Ǧylym jäne joǧary bılım ministrlıgı Tıl komitetınıŋ Ş.Şaiahmetov atyndaǧy «Tıl-Qazyna» ūlttyq ǧylymi-praktikalyq ortalyǧy ūiymdastyrǧan bäigenıŋ basty maqsaty – qazaq tılındegı terminderdıŋ sapalyq, sandyq deŋgeiın arttyru.
2 mamyr-10 mausym aralyǧynda ötken onlain-baiqauǧa elımızdıŋ är aimaǧynda tūratyn tıl janaşyrlary qatysty. Olar termincom.kz saityndaǧy terminder boiynşa öz oi-pıkırın, ūsynysyn jaza otyryp, saualnama arqyly tapsyrmalardy oryndady. Berılgen terminderge qazaqşa balama beru arqyly anyqtamasyna üŋıldı. Baiqau şartynyŋ bırı – memlekettık tılde IT tehnologiialar salasynyŋ jaŋa nemese qazaq tılıne audarylmaǧan, termincom.kz saitynyŋ «Bekıtılgen terminder tızımıne» enbegen, qate qoldanylyp jürgen, talas tudyratyn jäne t. b. mäselelerı bar terminderge beinerolik äzırleu. Sondai-aq qatysuşylar memlekettık tılde jaryq körgen IT tehnologiialar salasynyŋ oqulyqtaryna, ǧylymi basylymdardaǧy terminderdıŋ qoldanysyna taldau jasap, onyŋ ūtymdy jäne ūtymsyz tūstaryn nemese qatelerın aşyp körsettı.
Qazaqstan Respublikasy Ǧylym jäne joǧary bılım ministrlıgı Tıl komitetı töraǧasy Erbol Tıleşov atap ötkendei, biylǧy baiqaudyŋ şarty jetıldırılıp, säikesınşe, qatysuşylardyŋ da bılım-bılıktılık därejesı artqan.
Ädılqazylar alqasynyŋ töraǧasy, L.Gumilev atyndaǧy Euraziia ūlttyq universitetınıŋ professory, f.ǧ.d., akademik Şerubai Qūrmanbaiūly biylǧy baiqauǧa qatysuşylar IT salasynyŋ terminderın igeru, qazaqşalau üşın meilınşe ızdenıp, ynta-yqylasyn salǧanyn aitty.
«Endıgı maqsat – ūsynylǧan terminderdıŋ qoldanysqa enıp ketuı. Būl sala mamandary men lingvister bırlese jūmys ıstegende ǧana nätijelı bolmaq» dedı Ş.Qūrmanbaiūly.
Elımızge belgılı terminolog ǧalymdar men sala mamandary qazylyq etken saiysta 9 ümıtker jüldeger atandy.
Baiqaudyŋ tört kezeŋınıŋ qorytyndysy boiynşa aqparattyq tehnologiialar salasynyŋ terminderın zerdeleude erekşe közge tüsken Qyzylorda qalasyndaǧy «Oquşylar men jasöspırımder üiı» memlekettık mekemesınıŋ inkliuzivtı aǧylşyn tılınıŋ mūǧalımı İbragim Azamat pen Aqtöbe oblysy Märtök audany Saryjar auylynyŋ tūrǧyny Saiagül Jolmaǧanbetke 3-oryn būiyrdy.
II därejelı diplom men syilyq-sertifikat L.Gumilev atyndaǧy Euraziia ūlttyq universitetı filologiia fakultetınıŋ magistranty, audarmaşy Mälık Maqsatqa berıldı.
I därejelı diplom Älımhan Jūmabekke būiyrdy. Ol – Almaty qalalyq №179 jalpy bılım beretın mekteptıŋ fizika pänınıŋ mūǧalımı.
Aqparattyq tehnologiialar terminderı boiynşa ötken baiqauda jüzden jüirık şyqqan Pavlodar qalasyndaǧy A.Şamkenov atyndaǧy mektep-liseidıŋ tarih pänı mūǧalımı Erbol Temırov jeŋımpaz atanyp, oǧan bas jülde sertifikaty tabystaldy.
Gülmira ŞARHANQYZY
