Astana qalasy äkımdıgınıŋ Tılderdı damytu jäne arhiv ısı basqarmasyna qarasty «Ruhaniiat» mekemesınıŋ ūiymdastyruymen qazaq jäne aǧylşyn tılderın oqytu kurstarynyŋ aiaqtaluyna orai «Tıl – tatulyq tıregı» atauymen sertifikattardy tapsyru räsımı öttı.
Atalmyş mekeme Astana qalasynyŋ tūrǧyndaryn memlekettık tıldı deŋgeilep oqytu qyzmetıne säikes jyl saiyn memlekettık qyzmetşılerge, eresek tıl üirenuşılerge, jergılıktı biudjet ūiymdarynyŋ qyzmetkerlerıne qazaq jäne aǧylşyn tılderın oqu kurstaryn ūiymdastyrady. 2024 jyldyŋ basynda kursqa qala tūrǧyndary men mekemelerden 1500-ge juyq sūranys tüstı. I kezeŋde 1099 tyŋdauşy qabyldanyp, qorytyndysynda qazaq tılın oqu boiynşa 871, al aǧylşyn tılın üirenu boiynşa 38 tyŋdauşy sertifikat aldy.
Mekeme basşysy Ädıl Orynbasarūlynyŋ aituynşa, qazaq jäne aǧylşyn tılderın üirenuşılerdıŋ sanyn köbeitu josparlanǧan. Sebebı būǧan niettılerdıŋ sany artyp kele jatyr. Sondyqtan kelesı jylǧy meje – 3000-5000 adam.
Tıl üirenuşıler qarapaiym jäne bazalyq deŋgeiler (A1-A2) jäne orta jäne ortadan joǧary deŋgeiler (V1-V2) boiynşa oqydy. Sonyŋ bırı – qala tūrǧyny Laura Qarinanyŋ aituynşa, oqu barysynda ol qazaq tılınıŋ bailyǧyn, tereŋdıgın tüsındı. V1 deŋgeiı boiynşa Aijan Serıkqyzy V2 deŋgeiınen Jūpar Kenjetaiqyzy syndy oqytuşylardan sabaq aldy. Orys mektebınde oqyǧan kurs bıtıruşı ekı deŋgei boiynşa är deŋgeidı 4 aidan 8 ai oqydy. Tıldı jetıldırudı ärı qarai damytamyn dep otyr.
Al Atbasar qalasynyŋ tumasy, bügınde elorda tūrǧyny Erbol Erejepov köptegen özge ūlttardyŋ ortasynda öskendıgın, 5 jasynda atasy qaitys bolǧannan keiın ana tılınen maqūrym qalǧanyn aitty. Sol olqylyqty tüzeu üşın kurstarǧa jazylyp, oqu barysynda ruhynyŋ köterılgenın jetkızdı.
Gülmira Aimaǧanbet
