Astanada tūrǧyn alaptarǧa joǧary sapaly internet tartu jūmystary qarqyndy jürude. Sifrlandyru jäne memlekettık qyzmet basqarmasy bailanys operatorlarymen bırlese otyryp, bailanys pen internet sapasyn arttyru boiynşa tūraqty jūmystar atqaruda. Būl turaly bügın Astana kommunikasiialar qyzmetı alaŋynda ötken «Astana qalasynyŋ tūrǧyn audandaryn joǧary sapaly internetpen qamtamasyz etu» atty brifingte aityldy, dep habarlaidy astana-akshamy.kz
Şaharda 16 tūrǧyn alaby men 1 saiajai alaby bar bolsa, sonyŋ 12 tūrǧyn alaby joǧary jyldamdyqty internetke qosylǧan bolatyn. Atap aitqanda, Köktal-1, Köktal-2, Agroqalaşyq, Ürker, Telman, Prigorodnyi, Zarechnyi, Iýgo-Vostok, İnternasionalnyi, Jeleznodorojnyi, Promyşlennyi, sondai-aq Qoiandy saiajai massivın qosa alǧanda. Bügınde, būl audandardyŋ tūrǧyndary talşyqty–optikalyq bailanys jelılerın paidalana otyryp, joǧary jyldamdyqty internet pen sifrlyq televidenie qyzmetımen tolyq qamtamasyz etılgen. Al, qalǧan 5 tūrǧyn alapta – Öndırıs, Kazgorodok, Kirpichnyi, Michurino jäne Küigenjar – üilerdı qosu 2024 jyldyŋ üşınşı toqsanynyŋ soŋynda josparlanǧan.
-Jalpy jospar 12 000 jeke üige qosyludy qamtidy. Bügıngı taŋda 7593 abonent qosylǧan. Jobaǧa salynǧan investisiialardyŋ jalpy somasy 2,68 mlrd. teŋgenı qūraidy. Barlyǧy 665 şaqyrym optikalyq bailanys jelılerın salu josparlanuda. Astana qalasynyŋ äkımdıgı, QR Sifrlyq damu, innovasiialar jäne aeroǧaryş önerkäsıbı ministrlıgı, bailanys operatorlarymen bırlese otyryp, bailanys pen internet sapasyn arttyru boiynşa tūraqty türde jūmystar jürgızıp keledı. Mäselen, Köktal-1, Köktal-2, Agroqalaşyqtar tūrǧyn alaptarynda talşyqty-optikalyq bailanys jelılerın jürgızgen investor «Qazaq Üi Jelılerı» JŞS jalpy ūzyndyǧy 132 km qūraityn köşe kabelın tartyp, 1198 abonenttı qosty. Esıl jäne Nūra audandary boiynşa investor «Synergy Telecom» JŞS-nıŋ kömegımen 200 şaqyrymnan astam köşe kabelderı töselıp, 1710 abonent qosyldy. Al, Almaty audanynda Iýgo-Vostok (oŋ jaǧy) t/a: 85 km-den astam köşe kabelderı tartylyp, 754 abonent qosylsa, Promyşlennyi tūrǧyn alabynda 25 km-den astam köşe kabelderı tartylyp, 435 abonent qosyldy, – deidı Astana qalasy sifrlandyru jäne memlekettık qyzmet basqarmasy MM basşysynyŋ orynbasary Berık Ahmetov.
İnvestor: «Qazaq üi jelılerı» JŞS. Sondai-aq, investor «Synergy Telecom» JŞS-nıŋ qoldauymen İnternasionalnyi tūrǧyn alabyna 70 km köşe kabelderı tartylyp, 490 abonent qosyldy. Michurino jäne Küigenjar tūrǧyn alaptarynda jūmys 2024 jyldyŋ qyrküiegınde aiaqtau josparlanǧan. Sondai-aq, Baiqoŋyr audanyndaǧy Öndırıs, Kazgorodok jäne Kirpichnyi tūrǧyn alaptaryna qosu jūmystaryn osy jyldyŋ tamyz-qyrküiek ailarynda aiaqtau josparda. Qoiandy saiajai alaby boiynşa 20 km köşe kabelderı tartylyp, 20 abonent qosyldy. İnvestor: «Tvoi novyi telekom» JŞS. Elordanyŋ tūrǧyn alaptarynda joǧary jyldamdyqty internettı qosu jobasy sifrlyq tehnologiialarǧa qoljetımdılıktı arttyra tüspek.
