Biyl – Astana qalasynyŋ jergılıktı bırpalataly zaŋ şyǧaruşy organy Astana qalasynyŋ mäslihatyna 30 jyl. Elge qyzmettı abyroily atqarǧan halyq qalaulylary az emes. Sonyŋ bırı – Astana qalasy mäslihatynyŋ VIII şaqyrylymynyŋ deputaty, Erkeǧali Rahmadiev atyndaǧy Memlekettık akademiialyq filarmoniianyŋ direktory Erlan DÄKENOV.
Erlan Erǧazyūly – Astana qalasy mäslihatynyŋ VII, VIII sailanymynyŋ deputaty, Astana qalasy mäslihatynyŋ äleumettık-mädeni damu mäselelerı jönındegı tūraqty komissiia töraǧasynyŋ orynbasary.
Halyq qalaulylarynyŋ qoǧamdaǧy rölı turaly Erlan Däkenov bylai dep äŋgımelep berdı.
– Biyl – barlyq deŋgeidegı mäslihattar üşın mereitoilyq jyl, mäslihatqa – 30 jyl. Deputat bolu, ärine, ülken mındet. Al halyq senımın aqtau, şeşım tabu, aitqanyŋdy oryndau zor jauapkerşılık jükteidı. Qoǧamnyŋ ünın tyŋdap, qoǧamnyŋ özektı mäselelerın tyŋdap jürgendıkten, Saryarqa audanynan deputat bolyp sailandym. Partiiaışılık praimerizde baǧymdy synap körıp qatysyp edım, nätijesınde alǧaşqy deputattyŋ bırı retınde sailauşylarym menı taŋdady. Saryarqa audanyna qarasty Agroqalaşyq aumaǧynda tūrǧyndarmen kezdesıp, türlı mäselenı şeşuge tyrystym. Auladaǧy gülbaqtar (skver), jaiau jürgınşıler joly (trotuar), türlı üiırme, taǧy basqa mäselelerın şeşıp jürıp, tūrǧyndar talap-tılegın oryndai otyryp, täjıribe jinaqtadym. Halyqtyŋ köŋılınen şyǧu – paryz, alǧys alu jıgerlendıredı, sondyqtan qyzmet barysynda türlı mädeni ıs-şaraǧa atsalystym. Sondai-aq äleumettık mäseleler maŋyzdy. Astana qalasy mäslihatynyŋ äleumettık-mädeni damu mäselelerı jönındegı tūraqty komissiia töraǧasynyŋ orynbasary bolǧandyqtan, tūrǧyndar mäselesıne jıtı köŋıl böldık. Ärine, keluşıler az emes, köbıne aldyŋa jaǧdaiy tömen otbasylar, baspana mäselesıne qatysty janaiqaiymen keletın adamdar bar. Şeşımın tabatyn mäseleler de bar, qiyndyq tuǧyzatyn da problemalar jeterlık. Ondaida deputattyq saual joldap, şeşuge tyrysamyz. Mügedek jandar arbasyna qatysty mäseleler, invataksi, pandus, avtobustardyŋ arbadaǧy mümkındıgı şekteulı jandardy almai ketken qolaisyz jaǧdailary, gaz, su, azyq-tülık mäselesı, taǧy basqa özektı problemalarmen keletın tūrǧyndardyŋ talap-tılegın tyŋdap, barynşa kömek beremız. Mektepterge qatysty da sūraq köp. Jol kartasy boiynşa, josparǧa säikes, aldaǧy uaqytta oqu oryndary salynyp jatqanyn tüsındırıp ötemız. Kei äleumettık nysandar, ǧimarattarǧa bölıngen qarjynyŋ keşeuıldeuıne, ia basqalai sebepterıne bailanysty sebepterın tüsındırıp jatamyz, qoldan kelgenşe tūrǧyndar ötınışıne qūlaq asamyz. Filarmoniianyŋ direktory retınde 13 öner ūjymy, gastroldık sapary, türlı ūiymdastyru mäselesımen qosa deputattyq qyzmettı atqaru ülken jauapkerşılık, täjıribe jinaqtau dep aitar edım. Astana qalasy men üşın ystyq. Qalanyŋ salynyp jatqany, körkeigenı – bärı köz aldymda. Elordada sonau 1994 jyldan berı tūramyn. Aqmoladan bastau alyp, halyqaralyq deŋgeidegı äsem qalaǧa ainalǧanyna, jaiqalyp öskenıne qatty quanamyn. Astana – jastardyŋ qalasy, mol mümkındıkter alaŋy. Käsıbi qyzmetımdı osyndai halyqqa qajettı qoǧamdyq qyzmetpen ūştastyrǧanyma quanyştymyn, – deidı Erlan Erǧazyūly.
