Qaŋtar aiynda ötetın ŪBT-ǧa qatysu üşın ötınış qabyldau 29 jeltoqsannan bastalyp, 6 qaŋtarǧa deiın jalǧasady. ŪBT-ǧa tırkelu Ūlttyq testıleu ortalyǧynyŋ app.testcenter.kz. saitynda nemese UTO qosymşasy arqyly jürgızıledı.
Qaŋtar aiynda ötetın Ūlttyq bıryŋǧai testıleu 18 qaŋtar men 10 aqpan aralyǧynda ötedı. Esterıŋızge sala ketsek, qaŋtardaǧy ŪBT-ǧa şartty türde aqyly negızde kündızgı oqu nysany boiynşa joǧary oqu oryndaryna qabyldanǧan, jazǧy ŪBT nätijelerı boiynşa şektı ball jinamaǧandar, şyǧarmaşylyq BBT-dan basqa daiyndyq baǧyttaryna, pedagogikalyq baǧytqa aqyly negızde auysqysy keletınder, sondai-aq mektep bıtıretın tülekter joǧary oqu oryndaryna aqyly negızde tüsu üşın qatysady. Qatysuşylar testıleu ötkızıletın oryndy, kündı jäne uaqytty özderı taŋdaidy. ŪBT-daǧy pänderdıŋ sany özgerıssız qalady, iaǧni üşeuı mındettı jäne ekeuı taŋdau boiynşa bolady. Alaida «Oqu sauattylyǧy» men «Matematikalyq sauattylyq» mındettı pänderınen tapsyrmalar sany 5 sūraqqa qysqarady. Al beiındık pänderdıŋ sūraqtar sany artyp, 40 test tapsyrmasynan tūratyn bolady.
Atap öteiık, beiındık pänderde berılgen tızımnen säikestıktı anyqtauǧa arnalǧan 5 tapsyrma qosylady. Osylaişa, ŪBT tapsyrmalar sany özgerıssız qalady, jalpy 120 sūraq. Onyŋ ışınde «Qazaqstan tarihynan» 20 tapsyrma, «Oqu sauattylyǧynan» 10 tapsyrma, «Matematikalyq sauattylyqtan» 10 tapsyrma jäne ekı beiındık pän boiynşa 40 tapsyrma. Joǧary ball – 140, ol da özgerıssız qaldy.
«Osy özgerısterdı esepke ala otyryp, bız jattyǧu testın ıske qostyq. Elımızdıŋ bılım beru ortalyqtarymen bırlesıp ŪBT-ǧa daiyndaluǧa arnalǧan tegın onlain-sabaqtardy bastadyq. Sonymen qatar oqu jylynyŋ basynda ŪTO saitynda test tapsyrmalary qūrastyrylǧan ädebietter tızımı men test jospary; «Qazaqstan tarihy» jäne «Düniejüzı tarihy» pänderı boiynşa 100 tarihi data tızımı; «İnformatika» pänınen terminder tızımı; «Qazaq ädebietı» jäne «Orys ädebietı» boiynşa ädebi şyǧarmalar tızımı jariialandy. Sondai-aq barlyq talapker üşın testıleude kompiuter ekrandarynda kalkuliator, Mendeleev jäne erıgıştık kestesı qoljetımdı bolady» dedı QR ǦJBM Ūlttyq testıleu ortalyǧynyŋ direktory Ruslan Emelbaev.
Testıleu uaqyty – 4 saǧat (240 minut). Būl rette erekşe bılım beru qajettılıkterı bar balalar üşın ūsynylatyn qosymşa 40 minut uaqyt saqtalatynyn aita ketu kerek.
