Memlekettık bılım grantyn ūtyp aluǧa niettengen ümıtkerlerge ekı ret mümkındık berıletını belgılı. Oquǧa talaptanǧan bılımdı jasqa qazır mümkındık mol. Alaida Ūlttyq Bıryŋǧai Testıleu jüiesı jyldan jylǧa jetıldırılıp, türlı özgerıster men tüzetuler engızılude.
Ǧylym jäne joǧary bılım ministrlıgı Ūlttyq bıryŋǧai testıleudı ötkızu jäne «Ūlttyq bıryŋǧai testıleudı tapsyru turaly sertifikat beru» memlekettık qyzmet körsetu qaǧidalaryna özgerıster men tolyqtyrular daiyndady. Onda testıleu tapsyrmalary men baǧalau boiynşa baldar sanyn özgertu bölıgınde ūlttyq bıryŋǧai testıleu formatyn jetıldıru közdelgen.
Mäselen, qysqartylǧan oqu merzımderın közdeitın bılım beru baǧdarlamalary boiynşa tüsuşılerdı qospaǧanda, orta jäne tehnikalyq jäne käsıptık nemese orta bılımnen keiıngı bılım beru ūiymdarynyŋ tülekterı üşın ŪBT test tapsyrmalarynyŋ sany:
Qazaqstan tarihy boiynşa – 20;
matematikalyq sauattylyq boiynşa – 10 (qazır 15);
oqu sauattylyǧy boiynşa (oqytu tılı) – 10 (qazır 15);
bırınşı beiındık pän boiynşa – 40 (qazır 35);
ekınşı beiındık pän boiynşa – 40 (qazır 35).
Būl rette mügedektıgı bar balalar men köru qabıletı būzylǧan mügedekter ŪBT pänderı boiynşa test tapsyrmalarynyŋ nūsqalaryn oryndau barysynda shemalardy, kestelerdı, kartalar men grafikterdıŋ suretterın paidalanbai tapsyruyna bolady.
Şyǧarmaşylyq daiyndyqty talap etetın jäne aqyly negızde bılım beru baǧdarlamalarynyŋ basqa toptaryna auysqysy keletın joǧary oqu oryndarynyŋ bılım aluşylary üşın ŪBT test tapsyrmalarynyŋ sany:
bırınşı beiındık pän boiynşa – 40 (qazır 35);
ekınşı beiındık pän boiynşa – 40 (qazır 35).
Būdan basqa, Beiındık pän retınde qazaq tılın taŋdaǧan oquǧa tüsetın jastardyŋ qalauy da jaŋa özgertulerde eskerılgen. Sondai-aq şyǧarmaşylyq daiyndyqty talap etetın bılım beru baǧdarlamalary tobyna tüsetın tūlǧalar üşın eŋ joǧary ball sany ūlǧaityldy. Ol 125 ornyna ŪBT-da 130 baldy qūraidy. Sonymen qatar, özgerıster ŪBT nätijelerı boiynşa apelliasiiany qarauǧa da äser ettı.
Mäselen, apelliasiiaǧa kelıp tüsken ötınışterdı Respublikalyq apelliasiialyq komissiia 30 jūmys künı ışınde qaraidy. Būl rette Respublikalyq apelliasiialyq komissiia ötınışterdı qaraudy küntızbelık jyldyŋ 13 şıldesıne deiın aiaqtaidy. Tüsuşınıŋ jeke kabinetınde Respublikalyq apelliasiialyq komissiianyŋ otyrysyn ötkızu merzımderı turaly aqparat körsetıledı. Tüsuşınıŋ qalauy boiynşa Respublikalyq apelliasiialyq komissiianyŋ otyrysy bastalǧanǧa deiın jeke kabinetı arqyly apelliasiiaǧa ötınıştı kerı qaitaryp alu jüzege asyrylady.
Apelliasiiaǧa ötınıştı qaitaryp alu kezınde bır jūmys künı ışınde tüsuşınıŋ jeke kabinetınde ŪBT sertifikaty körsetıledı. Qūjat 26 jeltoqsanǧa deiın aşyq talqylau üşın Aşyq NQA saitynda ornalastyrylǧan.
