Astanada mektep mäselesı kün tärtıbınen tüsken emes. Qala tūrǧyndarynyŋ sany artqan saiyn mektep qūrylysy da toqtausyz jürgızılıp keledı. Osy rette jaŋa jyldan keiıngı aqjoltai aqparattyŋ bırı elordada üşınşı toqsan bastalysymen taǧy üş mektep aşylǧaly tūr. Būl turaly qala äkımı Jeŋıs Qasymbek jariia ettı. Atap aitqanda, būl bılım oşaqtary – Tūran daŋǧyly men №24 köşedegı 2400 oquşyǧa arnalǧan jaŋa mektep, №5 mektep-gimnaziia aumaǧynda 1200 orynǧa arnalǧan jäne Tūran daŋǧylynda ornalasqan «Zerde» daryndy balalarǧa arnalǧan mektep ǧimarattary bolady.
«Qalada 2023-2024 oqu jylynyŋ basynan bastap 11 mektep salyndy. Osy oqu jylynyŋ soŋyna deiın taǧy 4 mektep aşylady. Bügın qalany aralau barysynda salynyp jatqan mektepterdıŋ qūrylysy jūmysymen tanystym. Oqu oryndaryn sapaly jäne belgılengen uaqytynan keşıktırmei paidalanuǧa berudı tapsyrdym. Sonymen qatar Memleket basşysynyŋ tapsyrmasy boiynşa qalada «Jaily mektep» ūlttyq jobasy ıske asyrylyp jatyr. Joba aiasynda 2024-2025 jyldar aralyǧynda 90 myŋǧa juyq oquşyǧa arnalǧan jaŋa formattaǧy 24 mektep salynady. Mäselen, olardyŋ 15-ı qarqyndy damyp kele jatqan Esıl jäne Nūra audandarynda ornalasady» dedı qala äkımı.
Osylaişa 2027-2028 jyldarǧa deiın bas-aiaǧy 200 myŋǧa juyq oquşyǧa arnalǧan 80-nen asa mektep salu josparlanyp otyr.
