Ūlt kösemı Älihan Bökeihannyŋ tuǧan künıne orai elordadaǧy «Alaş qairatkerlerı» eskertkışıne gül şoqtary qoiylyp, «Ruhqa taǧzym» ıs-şarasy öttı. Astana qalasy mäslihatynyŋ deputattary, memleket jäne qoǧam qairatkerlerı, alaştanuşy ǧalymdar, «Ardagerler ūiymy» RQB, Amanat partiiasynyŋ Astana qalalyq filialy, «Aq jol» demokratiialyq partiiasy, qoǧamdyq ūiymdar ökılderı, mektep mūǧalımderı, studentter men oquşylar, Alaş ruhyn ardaqtaǧan azamattar qatysqan ıs-şaraǧa Alash.kz ūlttyq portaly ūiytqy boldy.
– Ūlylardy ūlyqtau, olardy ūmytpau – eldıktıŋ belgısı. «Han balasynda qazaqtyŋ haqysy bar. Tırı bolsam, qazaqqa qyzmet qylmai qoimaimyn» degen Älihan Bökeihan qandai qiynşylyqty körse de moiymai, alǧan betınen qaitpaǧan. El üşın, halyq üşın basyn bäigege tıktı. Qazır Älihan tūlǧasyna qoǧamda betbūrys jasalyp jatyr. Astanada myna eskertkıştıŋ qoiyluy, Qaraǧandyda audan aty jäne Semeide universitetke esımınıŋ berıluı ülken şaruanyŋ basy dep esepteimın. Būl şarualar jalǧasady jäne onyŋ kölemı de keŋeiedı, – dedı «Ardagerler ūiymy» RQB ortalyq keŋesı töraǧasynyŋ bırınşı orynbasary Ömırzaq Ozǧanbai.
Alaştanuşy ǧalym, filologiia ǧylymdarynyŋ doktory Tūrsyn Jūrtbai «Alaş» qozǧalysynyŋ azattyqqa bastaǧan joly turaly äŋgımelei kele, ūstanymdaryna toqtaldy. Sonyŋ ışınde olar ūlttyq demokratiialyq memleket qūrudy köksep, bırınşı orynǧa jer mäselesın qoiǧanyn, jerdıŋ üstındegı, astyndaǧy barlyq bailyqtyŋ qazaqqa qyzmet etuın oilastyrǧanyn, jalpy Älihan Bökeihan bastaǧan Alaş arystarynyŋ maqsaty Japoniia ülgısındegı ūlttyq demokratiialyq memlekettı ekonomikalyq täuelsızdıkke jetkızu bolǧanyn atap öttı.
Memleket jäne qoǧam qairatkerı Älihan Baimenov Alaş qairatkerlerı az ömır sürse de, ömırdegı missiiasyn atqaryp ketkenın aitty. Sol kezeŋdı, iaǧni HH ǧasyrdyŋ basyndaǧy saiasi ahual turaly äŋgımelep, keşegı Alaş armany täuelsız Qazaqstanda oryndalǧanyn atap öttı. Qazırgı öskeleŋ ūrpaqtyŋ eldı örkendetu üşın qandai boluy kerektıgıne toqtaldy.
«Ruhqa taǧzym» ıs-şarasy Ä.Bökeihan atyndaǧy №76 mektep-liseide jalǧasty. Onda ūlt kösemı atyndaǧy muzei tanystyrylyp, şaǧyn konsert baǧdarlamasy ūsynyldy. Alaştanuşy ǧalymdarmen, Alaş mūrasyn nasihattap jürgen qalamgerlermen sūhbat-kezdesu ūiymdastyryldy. Älihantanuşy, ölketanuşy Tūŋǧyşbai Mūqan men Medeu Äbuzardyŋ «Älihan Bökeihan – ūlt-azattyq küreskerı» atty tanymdyq, derektı film körsetıldı.
