Erteŋ, 16 aqpanda «Ūlttyq sezım» ūlttyq dress-kod künı bastamasyn qaita bastau josparlanyp otyr. Osymen üşınşı ret qaitalanyp otyrǧan aksiianyŋ bastamaşysy – YPO Kazakhstan töraǧasy jäne «Bäige» federasiiasynyŋ prezidentı Qanat Köpbaev, dep habarlaidy astana-akshamy.kz.
Bügınde būl bastamany Ūlttyq sport qauymdastyǧy jäne onyŋ qūramyna kıretın federasiialar, sondai-aq elımızdıŋ jetekşı ūiymdary men fleşmobtyŋ bastamaşysy – YPO müşelerı kompaniialarynyŋ 15 myŋnan astam qyzmetkerı belsendı türde qoldap otyr. Olardyŋ qatarynda Kusto Group, Magnum, Viled Group, Tas Group, Chocofamily Holding, «BI Group», Astana Group, Invictus, Novopack, Bilim Media Group, Ordamed Group, MYD Production, SDC, Freedom Holding Corp. jäne t.b. bar.
Sonymen qatar, joba Qazaqstan boiynşa keŋ taralyp, oǧan elımızdıŋ jetekşı bılım ordalary – KazGasa universitetı, HBK, Kau School, High Tech Academy, Zhubanov University qosyluda.
Al biyl nauryz aiynda Şymkent qalasynda ötetın bäigeden QR chempionaty aiasynda ūlttyq kostium baiqauy ūiymdastyrylady. Ol osy jyldan bastap «Ūlttyq sezım» dep atalady
2023 jyldyŋ 1 jeltoqsanynda bastalǧan aksiia apta saiyn jūma künı ötedı. Ol jasyna, jynysyna jäne ornalasqan jerıne qaramastan barlyq adamǧa mädeni qozǧalysqa qosyluǧa mümkındık beredı. Aldaǧy uaqytta qatysuşylar sanyn köbeitu, kostium tarihşylarymen, sän üilerımen jäne qolönerşılermen kezdesuler ötkızu arqyly ūlttyq kiım turaly mol maǧlūmat beru közdelıp otyr.
foto: ulttyqsezim.kz
