Elordada Qazaqstan Respublikasy Ūlttyq ūlanynyŋ 3656 äskeri bölımınıŋ qūrylǧanyna 32 jyl toluyna arnalǧan saltanatty ıs-şara öttı.
Otan qorǧauşylar künı men Ūly Otan soǧysyndaǧy Jeŋıs künı qarsaŋynda onyŋ aşylu saltanatyna Qazaqstan Respublikasy Qaruly Küşterınıŋ Joǧarǧy Bas Qolbasşysy – Qazaqstan Respublikasynyŋ Prezidentı Qasym-Jomart Toqaev qatysqan bolatyn. Is-şarada Qazaqstan Respublikasy Işkı ıster ministrınıŋ orynbasary – Ūlttyq ūlannyŋ Bas qolbasşysy Erkın Botaqanov qūttyqtau söz söiledı.
– Bügınde äskerdıŋ aviasiiasyn qyzmettık-jauyngerlık baǧytta qoldanu spektrı bırneşe esege ūlǧaidy. Ūlttyq ūlan aviasiiasynyŋ aldynda tūrǧan mındetterdı 3656 äskeri bölımınıŋ jeke qūramy tolyq kölemde oryndap jatyr. Būl “Özara ıs-qimyl”, “Kobalt”, “Terrorǧa qarsy” halyqaralyq oqu-jattyǧulary kezınde, el ışınde ūiymdasqan qylmysqa jäne esırtkı biznesıne qarsy küres jönındegı “Kanal”, “Qarasora” arnaiy operasiialaryn jürgızu barysynda, sondai-aq qazaqstandyq ūşqyştar batyldyq pen käsıbilık tanytqan Siriia, Türkiia jäne Auǧanstan elderıne gumanitarlyq kömek jetkızu jönındegı halyqaralyq missiialardy oryndau uaqyttarynda däleldendı.
Säuır aiynda ŪQK Qaruly Küşterınıŋ, QR IIM Ūlttyq ūlanynyŋ, Şekara qyzmetınıŋ bölımşelerı qūtqaruşylarmen jäne poliseilermen bırge bızdıŋ azamattarymyzdy köktemgı su tasqynynan qūtqaruǧa belsendı qatysyp, eldı mekenderde qūqyqtyq tärtıptı qamtamasyz ettı. Būryn-soŋdy bolmaǧan elementtermen küresu üşın äskeri aviasiia da tartyldy. Olar qatynassyz qalǧan audan tūrǧyndaryn evakuasiialap, gumanitarlyq jükterdı halyqqa jetkızdı. Osy qiyn künderde azamattarymyzǧa kömek körsetken 3656 äskeri bölımınıŋ äskeri qyzmetşılerıne zor alǧysymdy bıldıremın. Qazırgı uaqytta aviasiiada senımdı ūşaqtar men tıkūşaqtar bar, olar 4 myŋ km-den astam qaşyqtyqqa toqtausyz ūşuǧa jäne bır uaqytta 20 tonnaǧa deiın jük tasymaldauǧa mümkındık beredı. Taǧy üş Y-8 ūşaǧyn satyp alu josparda bar, – dedı Erkın Botaqanov.
QR Işkı ıster ministrınıŋ orynbasary Aidar Saitbekov qūqyqtyq tärtıp äskerlerınıŋ būrynǧy qolbasşysy Bolat Janasaev, sondai-aq “Kvintek” kompaniiasynyŋ direktorlar keŋesınıŋ töraǧasy Aik Sogoian jäne 3656 äskeri bölımınıŋ ardager-ūşqyşy Saǧadat Baibahtiev jyly lebızderı men qoşemetterın bıldırdı.
– Täuelsızdık jyldarynda Ūlttyq ūlannyŋ 3656 äskeri bölımınıŋ jeke qūramy ışkı ıster organdarynyŋ konstitusiialyq qūrylysty qorǧau jäne eldıŋ qauıpsızdıgın qamtamasyz etu jönındegı eŋ kürdelı mındetterın oryndauǧa qabılettı, senımdı jäne tiımdı qūrylym ekenın körsettı. Sonymen qatar sızder aǧa buyn ısın jalǧap, Talǧat Bigeldinov, Nürken Äbdırov siiaqty erjürek batyrlar men daŋqty ata-babalardyŋ jolyn abyroimen jalǧastyryp kelesızder. Sızder beibıt künnıŋ batyrlarysyzdar. Sondyqtan sızder jauyngerlık tapsyrmalardy janqiiarlyqpen jäne abyroimen oryndaularyŋyz kerek jäne qiyn uaqytta kömekke keluge ärqaşan daiyn boluǧa tiıssızder. Osyǧan bailanysty Ūlttyq ūlannyŋ Bas qolbasşylyǧyna, äsırese, äskeri qyzmetşıler üşın qolaily jaǧdai jasau jäne jauyngerlık ruhty arttyru boiynşa auqymdy jūmys atqarǧan Erkın Botaqanovqa erekşe alǧysymdy bıldırgım keledı, – dedı QR Işkı ıster ministrınıŋ orynbasary Aidar Saitbekov.
– 30 jyl būryn men Qazaqstan Respublikasynyŋ Işkı äskerlerınıŋ qolbasşylyǧyn qabyldadym. Ol kezde būl şaǧyn eskadrilia bolatyn jäne ol Almatynyŋ maŋyndaǧy Burundai äuejaiynda ornalasqan. İelıgınde bır tıkūşaq pen ūşaq qana boldy. Ūşqyştar men qyzmet körsetuşıler üşın bırneşe vagondary boldy. An-26 ūşaǧynda tıptı auystyrylatyn ekipaj bolǧan joq. Menıŋ ötınışım boiynşa Memleket basşysy jeke qūram men jükterdı tasymaldauǧa beiımdelgen Iаk-40 jäne An-30 ūşaqtaryn qosymşa böldı. Sol künderı bız ūiymdasqan qylmyspen belsendı kürestık. Bızdıŋ ūşu apparattary şoǧyrlanatyn tolyq äue bazasy bolsa degen armanymyz boldy. Mıne, bügınde bızdıŋ armanymyz oryndaldy. Ūlttyq ūlannyŋ jeke qūramy bızdıŋ dästürlerımızdı berık saqtaidy dep ümıttenemın. Sızder barlyq basqa äskeri bölımderge ülgı bolularyŋyz kerek, – dedı Bolat Janasaev.
– Ūlttyq ūlan basşylyǧyna alǧysymdy bıldırgım keledı. Bız 2009-2014 jyldary elordalyq jedel brigadanyŋ qūrylysyn bastap, sättı aiaqtaǧan edık. Taǧdyr bızdı sol kezde qūqyq qorǧau küşterımen bırıktırdı. Sodan keiın, iaǧni 2015 jyly bızge äue bazasyn salu turaly ūsynys kelıp tüstı. Bız būǧan quana kelıstık. Sondai-aq senımdı aqtap şyqtyq. Bızdıŋ kompaniianyŋ atynan barlyq äskeri qyzmetşıler men ardagerlerdı qūttyqtaimyn, – dep atap öttı Aik Sogoian.
Sodan keiın QR Ūlttyq ūlanynyŋ Än-bi ansamblı, Ülgılı-körsetılımdı orkestrı jäne elordalyq jedel brigadanyŋ Qūrmet qarauyl rotasy ūsynǧan konserttık baǧdarlamada “Piloty”, “O, dalam”, “Pilot 12:45”, “Men – ūşqyşpyn”, “Eldıŋ qorǧany” syndy kompozisiialar oryndaldy. Osydan keiın şaqyrylǧan adamdar ūjymdyq suretke tüsırıp, äskeri bölımnıŋ aumaǧymen tanysty.
Qonaqtarǧa äskeri bölımnıŋ kluby, kıtaphana körsetıldı, tarih jäne jauyngerlık daŋq bölmesı boiynşa ekskursiia ötkızıldı. Jauyngerlık basqaru punktımen jäne onyŋ ūşu qyzmetın basqarudy ūiymdastyru jönındegı mındetterımen tanystyryldy. Sodan keiın aviabazanyŋ ashanasynda tamaqtanudy ūiymdastyru şarttary men injenerlık-tehnikalyq jäne ūşu qūramdaryna mındettelgen normalar körsetıldı. Al sport keşenınde qonaqtar oiyn sport zalyn, sondai-aq küres jäne gimnastika bölmelerın aralap şyqty.
Eŋ bastysy qonaqtar nazaryna aviasiialyq tehnikalar –Y8F200W ūşaǧy jäne Mi-171E tıkūşaqtary ūsynyldy. Sondai-aq ūşu alaŋynda An-26, An-74 TK-200, Mi-171E jäne Mi-8 MTV-2 sekıldı äue kemelerı tūrdy.
Aita keteiık, aviasiialyq äskeri bölım qūrylǧan sätten bastap onyŋ ūşqyştary 55 myŋnan astam adam jäne 7,5 million tonnadan astam jük tasymaldaǧan. Sondai-aq bıtımgerşılık missiia arqalaǧan qazaqstandyq jiyntyq batalondy täjık-auǧan şekarasyna köşıruge qatysty. Sonymen qatar olar Aqtöbe, Aqtau, Taldyqorǧan, Taraz, Qyzylorda jäne Almaty qalalarynda arnaiy jäne terrorizmge qarsy operasiialarǧa da tartylǧan.
Biyl ūşqyştar Batys Qazaqstan, Aqtöbe, Atyrau, Qaraǧandy, Qostanai, Aqmola jäne Soltüstık Qazaqstan oblystarynda tötenşe jaǧdailardan zardap şekkenderge kömek körsettı. Būl rette olar 300-den astam tūrǧyndy evakuasiialap, 160 tonna gumanitarlyq jük jetkızgen.
