Qoljazbalar jäne sirek kıtaptar ūlttyq ortalyǧy 2024 jylǧy arheografiialyq ekspedisiialar nätijelerı boiynşa esep berıp, elımızdıŋ tarihyna qatysty köne derekter körsetılgen «Ūly dala tarihynyŋ jazba mūralary» atty körmesın ūiymdastyrdy, dep habarlaidy astana-akshamy.kz.
Memleket basşysy Qasym-Jomart Toqaev Ūlttyq qūryltaidyŋ üşınşı otyrysynda elımızdıŋ tarihyn zertteu men nasihattauǧa, tıl mäselesıne, onomastika, tarihi mūralar men tarihi tūlǧalarǧa, tabiǧi jäne tarihi mekenderge, erekşe nazar audardy.
Sonymen qatar, Prezident tarihi-mädeni jädıgerlerdı, olardyŋ köşırmelerın Qazaqstanǧa qaitaru jūmystaryn jandandyru da asa maŋyzdy ekenın atap öttı.
Is-şaraǧa Ortalyq memlekettık organ, QR QR Parlamentınıŋ Mäjılıs deputattary, Qazaqstan mūsylmandary dıni basqarmasy, kıtaphanalar men arhiv ökılderı jäne qoǧam qairatkerlerı qatysty.
Körmede Ūlybritaniiadan äkelıngen 15 qoljazba men arhivtık qūjattyŋ köşırmelerı jäne respublika aumaǧynda anyqtalǧan 150-den asa köne qoljazba men sirek qūndy kıtaptar körmege qoiyldy. Olardyŋ ışınde türkı-islam mädenietınıŋ qūndy eskertkışı, alǧaş türkı tılıne audarylǧan qasiettı Qūran kıtaby (X-XII ǧǧ.), Äbu Nasyr äl-Farabi, Qoja Ahmet Iаssaui, Süleimen Baqyrǧani eŋbekterınıŋ köşırmelerı, XI ǧasyrdaǧy parsy tarihşysy Gardizidıŋ «Zein-äl-ahbar» qoljazbasy, t.b. bar.
Sonymen qatar, «ULY DALA MURASY» ǧylymi-tanymdyq jurnalynyŋ jaŋa nūsqasy jäne şetelderde anyqtalǧan köne derekter boiynşa «Şeteldık qorlardaǧy qūndy jazba mūralary» atty katalog-albomynyŋ tūsauy kesıldı.
Sonymen qatar, ūlttyq qūndylyqtarymyzdy jinaqtau, olardy keler ūrpaqqa saqtaudyŋ maŋyzdylyǧy men osy salada bügıngı künı tuyndaǧan özektı mäselelerı talqylandy.
