Vandalizm jasaǧandar 50 täulıkke deiın qamauǧa alynuy mümkın. Būl turaly Işkı ıster ministrınıŋ bırınşı orynbasary Marat Qojaev aitty, dep habarlaidy astana-akshamy.kz.
«Memleket basşysy vandalizmdı jaǧymsyz qūbylys dep, onymen küresu kerektıgın atap öttı. Sol sebeptı osy zaŋ jobalaryna özgerıster engızılıp jatyr. Vandalizm ūǧymy qoldanystaǧy zaŋmen bırge qalady. Būl tarihi-mūra nysandaryn, tarihi jäne mädeni eskertkışterın, Ükımet qorǧaityn tarih nysandaryn suret pen basqa da adamgerşılıkke jatpaityn ärekettermen qorlau dep tanylyp otyr. Ūǧym qala beredı. Al jaza küşeitıledı. Mysaly, aiyppūl 100-den 200 AEK-ke deiın ūlǧaitylady. Bügınde ol 50-den 160 AEK arasynda. Al qamauǧa alu merzımı bügınde 40 täulık bolsa, endı 50 täulıkke deiın arttyrylady. Mūndai äreketterdı bırneşe ret nemese toppen ıstese 3 jylǧa deiın bas bostandyǧynan aiyryluy mümkın. Mūndai jauapkerşılık qazırgı zaŋdamada joq», — dedı Marat Qojaev Senattyŋ jalpy otyrysynda.
Sonymen qatar ol Äkımşılık kodekske engızıletın özgerıster men tolyqtyrularǧa toqtaldy.
«Äkımşılık kodekstıŋ 434-babynyŋ taǧy bır bölıgı bolady. Jat äreketter qoǧamdyq infraqūrylymǧa kädımgıdei şyǧyn keltıredı. Sondyqtan jauapkerşılık küşeitıledı. Aiyppūl 20-dan 50 AEK deiın ösedı. Al qamauǧa alu 15-ten 20 täulıkke deiın artady Al eger osy äreketter 1 jyldyŋ ışınde qaitalansa, qamauǧa aludyŋ eŋ joǧary merzımı qoldanylady», — dedı ol.
Aita keteiık, bügın Senattyŋ jalpy otyrysynda «Qazaqstan Respublikasynyŋ keibır zaŋnamalyq aktılerıne adam saudasyna, vandalizm körınısıne jäne bötennıŋ mülkın büldıruge qarsy ıs-qimyl mäselelerı boiynşa özgerıster men tolyqtyrular engızu turaly» jäne «Qazaqstan Respublikasynyŋ Äkımşılık qūqyq būzuşylyq turaly kodeksıne adam saudasyna, vandalizm körınısıne jäne bötennıŋ mülkın büldıruge qarsy ıs-qimyl mäselelerı boiynşa özgerıster men tolyqtyrular engızu turaly» Qazaqstan Respublikasynyŋ Zaŋdary 1-oqylymda maqūldaǧan edı.
