Astana qalasy äkımdıgınıŋ Belsendı ūzaq ömır süru ortalyǧynyŋ zeinetkerlerı şala tuǧan närestelerge arnap kiım-kişek toqudy dästürge ainaldyrǧan bolatyn. Qaiyrymdylyq aksiiasyn ekınşı jyl qatarynan jalǧasyp keledı, dep habarlaidy astana-akshamy.kz
Ädettegıdei, 1 mausym – Balalardy qorǧau künı qarsaŋynda Ortalyqtyŋ önerlı äjelerı närestelerge tabiǧi jünnen şūlyq toqu jūmystaryn bastap kettı.
Biylǧy jyly äjelerdıŋ būl igı bastamasyna Astana qalasynyŋ erıktı jastary qoldau körsettı. Olar tabiǧi jünnen jasalǧan toqyma jıpterın satyp alu üşın qarjy jinap, zeinetkerlerge 30-dan asa tabiǧi jün önımderın satyp alyp berdı.
«Qaiyrymdylyq ıs-şarasyn ekınşı jyl qatarynan ūiymdastyryp jatyrmyz. Byltyr äjelerımız Astana qalasyndaǧy perzenthanalarda em alyp jatqan merzımınen būryn tuǧan närestelerge 30-dan astam şūlyq toqyp bergen edı. Biyl da, būl igı şarany jalǧastyrudy jön kördık. Tabiǧi jünnen toqylǧan kiımderdıŋ säbi densaulyǧy üşın paidasy zor, şala tuǧan balalardyŋ tynys alu jüiesın jaqsartady. Balalar merekesı qarsaŋynda qaiyrymdylyq aksiiasyna qarajat jinaudy ūiymdastyrǧan belsendı jastar David Şärıpov pen Daniial Kelgenbaevqa alǧys bıldıremız!» – dep sözın tüiındedı Belsendı ūzaq ömır süru ortalyǧynyŋ bölım basşysy Roza Mausymbaeva.
