Bıryŋǧai uaqyt beldeuıne köşuge bailanysty Qazaqstanda jūmys kestesı özgeruı mümkın, dep habarlaidy astana-akshamy.kz
Būl turaly jurnalisterge eŋbek jäne halyqty äleumettık qorǧau ministrı Svetlana Jaqypova aitty.
«Nauryzdan bastap bız jaŋa uaqyt beldeuıne köştık, qazır kün erte atady. Äleumettık jelılerde ärtürlı ūsynystar aitylyp jür, sonyŋ ışınde qysta qaraŋǧy erte tüsetındıkten, jūmys künın bır saǧat būryn bastau. Būǧan qalai qaraisyz? Mūndai josparlar bar ma?», – dep sūrady jurnalister Jaqypovadan ükımet kuluarynda.
Ministr jūmys beruşı men qyzmetkerler jūmys kestesın qaita qarauǧa kelıse alatynyn tüsındırdı, öitkenı şart ekı tarappen kelısıledı jäne jasalady.
«Köptegen ūsynys bar, olardy bıryŋǧai formatta qarastyramyz jäne jauap beremız: jūmys beruşı men jūmysşylar arasynda kelısımşart bar jäne olar jūmys kestesı turaly kelıse alady. Jūmystan qaraŋǧyda şyqpas üşın, eger qazır, mysaly, jūmys künı saǧat 09:00-de bastalsa, olar jūmysty 08:00-de bastauǧa kelıse alady, sodan keiın jūmys beruşı jūmys künın bır saǧatqa qysqartudy qarastyruy mümkın. Būl qiyn emes, qyzmetker men jūmys beruşı kelıse alady», – dep jauap berdı Svetlana Jaqypova.
