X respublikalyq konferensiia öttı
![](https://astana-akshamy.kz/wp-content/uploads/2024/04/otandyk-g-ylymnyn-kokzhiegi-ken_1713555935-780x470.jpg)
Biyl Astana medisina universitetı Radiobiologiia jäne radiasiialyq qorǧau ǧylymi-zertteu institutynyŋ aşylǧanyna 20 jyl tolyp otyr, dep habarlaidy astana-akshamy.kz
Osyǧan orai oqu ornynda «Qazaqstannyŋ uran jäne mūnai öndıretın öŋırlerındegı medisinalyq-biologiialyq jäne ekologiialyq mäselelerı» atty X respublikalyq konferensiia öttı.
Konferensiiada iondauşy säulelenudıŋ şaǧyn dozalarynyŋ radiobiologiialyq äserlerı, radioekologiialyq ahual jäne qyzmetkerlerdı radiasiialyq qauıpten qorǧau, radiasiialyq qauıptı nysandardyŋ aimaǧynda tūratyn halyqtyŋ densaulyǧyna qatysty özektı mäseleler talqylandy.
Alqaly jiynǧa DSM Sanitarlyq-epidemiologiialyq baqylau komitetınıŋ töraǧasy Nūrqan Säduaqasov qatysyp, ırgelı ortalyqtyŋ otandyq ǧylymdy damytudaǧy maŋyzdylyǧyn atap öttı.
«Radiobiologiia jäne radiasiialyq qorǧau ǧylymi-zertteu instituty el Ükımetınıŋ aldyna qoiylǧan maŋyzdy mındetterdı oryndauǧa kömektesıp keledı. Aitalyq, instituttyŋ ǧylymǧa qajettı kadrlardy daiyndauda septıgı mol. Halyqaralyq qyzmet baǧytynda da eleulı jetıstıkterı bar. Mäselen, Atom energiiasy jönındegı halyqaralyq agenttıgı men Japoniianyŋ jäne Reseidıŋ ǧylymi-zertteu instituttarymen bırneşe kelısım jasaldy», – dedı vedomstvo basşysy.
Atalǧan institut 2004 jyly Radiobiologiialyq ǧylymi-zertteu ortalyǧynyŋ negızınde professor Polat Qazymbetūlynyŋ bastamasymen qūrylǧan. 2010 jyly Radiobiologiialyq zertteuler instituty bolyp, al 2014 jyly Radiobiologiia jäne radiasiiadan qorǧau instituty retınde transformasiialaudan öttı.
Astana medisina universitetınıŋ basqarma töraǧasy, rektor Kamaljan Nadyrovtyŋ aituynşa, bıregei ortalyqtyŋ ǧylymi-zertteu jūmystaryn ıske asyruda qosqan ülesı zor.
«Qazır beibıt atomdy medisina men önerkäsıpte qoldanuda ekologiialyq jäne adamnyŋ qauıpsızdıgın eskeru qajet. Būl – bügıngı künnıŋ basty talaby. Osy baǧytta Astana medisina universitetınıŋ Radiobiologiia jäne radiasiialyq qorǧau ǧylymi-zertteu instituty nätijelı jūmys atqaryp keledı. 20 jyl būryn qūrylǧan institut medisina ǧylymyna üles qosyp, universitettıŋ qūramynda joǧary bılıktı mamandardy daiyndaityn elımızdegı ırgelı zertteu ortalyqtardyŋ bırıne ainaldy. Būl institutty ǧylymi-ädıstemelık koordinasiialyq ortalyq retınde joǧary baǧalaimyz», – dedı K. Talǧatūly.
Būdan basqa, kelelı jiynda iondauşy säulelenudıŋ tömen deŋgeiınıŋ biologiialyq äserı, käsıbi säulelenuge ūşyraǧan adamdardyŋ jäne tehnogendı özgergen radiasiialyq fony bar aumaqtarda tūratyn halyqtyŋ densaulyq jaǧdaiyn baǧalau, sondai-aq uran jäne mūnai öndıretın öŋırlerdegı radon qauıpsızdıgı mäselelerı pysyqtalyp, mamandar qordalanǧan problemalardyŋ tüiının tarqatudyŋ amaldaryn qarastyrdy.