10-13 mausym aralyǧynda Abai oblysyndaǧy «Abai-Şäkärım» memorialdyq keşenınde XXV respublikalyq «Abai oqulary» ötedı. Körkemsöz baiqauyna 8-11 synyp oquşylary qatysuda, dep habarlaidy astana-akshamy.kz.
Baiqaudyŋ maqsaty – qazaq halqynyŋ ädebi mūrasyn därıpteu, mektep oquşylarynyŋ klassikalyq qazaq ädebietın oquǧa degen qyzyǧuşylyqtaryn arttyru, Abai men Şäkärım şyǧarmalaryndaǧy estetikalyq talǧam men tūlǧalyq qasiettı nasihattau, ūlylar poeziiasyna, ūlttyŋ ruhani mūrasyna degen süiıspenşılıkke tärbieleu.
Saltanatty şaranyŋ aşyluynda Oqu-aǧartu ministrlıgı Orta bılım beru komitetınıŋ töraǧasy Qanybek Jūmaşev jas talanttarǧa sättılık tıledı.
«Abai oqulary oquşylardyŋ ruhani damuyna erekşe äser etetın qoǧamdyq – mädeni şara ekendıgı jyl saiyn aiqyndalyp keledı. Elımızdıŋ tükpır-tükpırınen jas daryndardyŋ basyn qosatyn kielı mekende är qatysuşy söz önerı şyŋynda synalady, qabılet qarymyn arttyrady. Qazırgı jaŋa buyn Abai mūrasynan när alyp, onyŋ asyl sözderın, asqaq poeziiasyn, tereŋ filosofiiasyn boiyna sıŋırıp ösuge tiıs», – dedı Qanybek Jūmaşev.
Respublikalyq qorytyndy kezeŋde 130-dan asa jas daryn 6 nominasiia boiynşa baq synasady: «Öleŋ – sözdıŋ patşasy, söz sarasy», «Abaidyŋ qara sözderı», «Abaidyŋ aqyn şäkırtterınıŋ şyǧarmalary», «Köŋılım ändı ūǧady», «Jüirıkten jüirık ozar jarysqanda», «Söz önerındegı ūly Abai beinesı».
Basty şart – qatysuşylar Abai şyǧarmalaryn jatqa aituy tiıs.
Aita ketu kerek, Abai oqularynyŋ jüldegerlerı Qazaqstan Respublikasy Oqu-aǧartu ministrlıgınıŋ I, II, III därejelı diplomdarymen jäne altyn, kümıs, qola medaldarmen marapattalady. Sondai-aq «Daryn» respublikalyq ǧylymi-täjıribelık ortalyǧynyŋ atynan gramotalar men baǧaly syilyqtar tapsyrylady.
