Qys mezgılı aiaqtalǧanda, qala ışındegı joldyŋ aqaulary anyq körınedı. Sondyqtan jyl saiyn jol jöndeu jūmysy jaz bastalmai-aq bastalyp ketedı. Biyl Astanada jalpy ūzyndyǧy 53,5 şaqyrymdy qūraityn 51 köşede jol jöndeledı.
Biyl elordada jalpy ūzyndyǧy 53,5 şaqyrym bolatyn 51 köşege jöndeu jürgızu josparlanuda. Astana qalasynyŋ Kölık jäne jol-kölık infraqūrylymyn damytu basqarmasy baspasöz qyzmetınıŋ habarlauynşa, jyl saiyn jol-qūrylys jūmysy mausymy bastalar aldynda köşe-jol jelısıne tekseru jürgızıledı. Bügınde osyndai tekseru jürgızıldı. Qalanyŋ jol-köşe jelısınıŋ jai-küiın keşendı taldauǧa säikes, qanaǧattanarlyqsyz jaǧdaida tūrǧan köşeler anyqtaldy. Barlyq anyqtalǧan aqau boiynşa jöndeu jūmysynyŋ kestesı bekıtıldı. Osylaişa, biyl 51 köşege jöndeu jūmysy jürgızıledı. Atap aitsaq, Syǧanaq köşesı Ş.Aitmatov köşesınen Qabanbai batyr daŋǧylyna deiın, S.Seifullin köşesı K.Kümısbekov köşesınen Saryarqa daŋǧylyna deiın, Täuelsızdık daŋǧyly J.Näjımedenov köşesınen A.Baitūrsynov köşesıne deiın jöndeledı.
Sondai-aq aǧymdaǧy jyly qalanyŋ 200 köşesındegı şūŋqyrlardy jöndeu jūmysyn jürgızu josparlanyp otyr. Būl rette qala äkımdıgı sapasyz joldy öz aqşasyna jöndeitın kompaniialardyŋ tızımın jariialaǧan bolatyn. Olar: Jetıgen köşesı (A.Puşkin köşesınen J.Dosmūhamedūly köşesıne deiın) – «Sotis grupp» JŞS; A.İmanov köşesı (A.Iаnuşkevich köşesınen Ş.Uälihanov köşesıne deiın) – «Aiia Servis» JŞS; Alaş tasjoly (jol ötpesınen Jolymbet köşesıne deiın) – «Aiia Servis» JŞS; Mäŋgılık el daŋǧyly (M1 köpırınen Būqar jyrau köşesıne deiın) – «Kompaniia Energodor» JŞS; Qabanbai batyr daŋǧyly (Saraişyq köşesınen Qorǧaljyn tasjolyna deiın) – «Sotis grupp» JŞS; Jeŋıs daŋǧyly (I.Esenberlin köşesınen Bögenbai batyr daŋǧylyna deiın) – «Sotis grupp» JŞS; R.Qoşqarbaev daŋǧyly (Qordai köşesınen M.Tölebaev köşesıne deiın) – «Sotis grupp» JŞS; Eŋlık-Kebek köşesı (Sūltan Beibarys köşesınen Bolaşaq köşesıne deiın) – «REKMA KZ» JŞS. Barlyq jūmys josparly türde jäne aua raiy qolaily bolǧanda atqarylady.
Mamandardyŋ mälımdeuınşe, uchaskelerdıŋ jabyluynan tuyndaǧan uaqytşa qolaisyzdyqtar ūzaqqa sozylmaidy, bıraq joldar jaqsarady jäne jol qozǧalysyna qatysuşylardyŋ qauıpsızdıgı qamtamasyz etıledı.
Elorda tūrǧyndary men qonaqtaryna yŋǧaily bolu üşın 2018 jyldan bastap iKomek109 bıryŋǧai bailanys ortalyǧy jūmys ısteidı, onda jol tösemınıŋ qanaǧattanarlyqsyz jai-küiı boiynşa ötınış jıberuge bolady. Sonymen bırge ötınışter iKomek109 mobildık qosymşasy, äkımdıktıŋ resmi saity, Telegram-bot, Smart Astana mobildık qosymşasy jäne elektrondyq poşta arqyly da qabyldanady.
