Elordada jyl basynan berı Astana qalasy äkımdıgınıŋ azamattardy qabyldau ortalyǧy jūmys ıstei bastady. Ortalyq aşylǧaly memlekettık organdar men ūiymdardyŋ qyzmetkerlerı jeke jäne zaŋdy tūlǧalarǧa 700-ge juyq keŋes berdı. Sonymen qatar bas qalada Joltap äleumettık jobasy aiasynda «Barşaǧa mümkındık» moduldık oryndary ıske qosylǧan. Mūnda da memlekettık qoldau, jūmysqa ornalasu mäselelerı boiynşa tūrǧyndarǧa kömek körsetıledı.
Azamattardy qabyldau ortalyǧy aşylǧaly mamandar kömegıne 700-ge juyq adam jügınse, onyŋ 556-sy memlekettık organdardyŋ ökılderımen kezdestı.
Ortalyqqa keletın qala tūrǧyndarynyŋ ötınışterı, negızınen, ardagerlerge arnalǧan kommunaldyq qyzmetterge, şipajaida emdeluge, memlekettık subsidiialauǧa, tūrǧyn üi mäselelerıne qatysty boldy. Äleumettık jaǧynan az qamtylǧandar sanatyndaǧy käsıpkerler köşe saudasyn jürgızuge arnalǧan pavilondardy ornalastyruǧa jäne basqa da mäseleler boiynşa keŋes aldy. Köptegen keluşı ortalyq arqyly memlekettık organdardyŋ bırınşı basşylarynyŋ qabyldauyna jazyldy.
Äkımdık bölımşelerınıŋ bırınşı basşylarynyŋ jeke qabyldauynda 100-ge juyq azamat boldy.
Ortalyqta Astana qalasy äkımı apparaty, audandyq äkımdık apparattary, äkımdıktıŋ qūrylymdyq bölımşelerı, Astana qalasy Ädılet departamentı, «Otbasy bankı» sekıldı memlekettık organdar men ūiymdardyŋ mamandary kez kelgen sūraqqa jauap berıp, jan-jaqty keŋes beredı.
Qala tūrǧyndary memlekettık organǧa ötınış bergen kezde halyqqa memlekettık tūrǧyn üi mäselelerı boiynşa nesie räsımdeu haqynda konsultasiialyq kömek ala alady, äkımdık pen qūrylymdyq bölımşeler basşylyǧynyŋ jeke qabyldauyna jazyla alady.
Ortalyq Beibıtşılık, 14 mekenjaiy boiynşa düisenbıden jūmaǧa deiın saǧat 9.00-den 18.00-ge deiın (tüskı üzılıs saǧat 13.00-den 14.00-ge deiın) jūmys ısteidı.
Tolǧandyrǧan sūraqtardy 8 (7172) 72-51-51 nömırı boiynşa call-ortalyqqa qoŋyrau şalyp, qoiuǧa bolady.
Ortalyqqa kelesı qoǧamdyq kölık baǧyttary arqyly jetuge bolady: №5a, 10, 20, 23, 33, 40, 53, 58, 64, 71, 73.
Zarina Särsenbaiqyzy
