IIM terrorizm aktısı turaly jalǧan habarlama üşın jauapkerşılık qarastyrylatynyn eske salady, dep habarlaidy astana-akshamy.kz.
25 qaŋtardan bastap Telegram messendjerınde mektepterge şabuyl jasau qaupı turaly anonimdı habarlamalar tarala bastady.Habarlamalar Qazaqstannyŋ alty qalasynda, iaǧni Aqtöbede, Atyrauda, Almatyda, Pavlodarda, Qaraǧandyda jäne Qostanaida kelıp tüsken. Terrorizm aktısı turaly körıneu jalǧan habarlau faktılerı boiynşa sotqa deiıngı tergeu bastaldy. Barlyq qajettı tergeu äreketterı jürgızılude.
«Qazırgı uaqytta Almaty, Aqtöbe, Atyrau jäne Pavlodar qalalarynda taralǧan habarlamalarǧa TMD elderı azamattarynyŋ qatysy bar ekenı anyqtaldy. Şeteldık ärıptestermen olardyŋ qylmystyq äreketterın äşkereleu boiynşa tiıstı ıs-şaralar jürgızılıp jatyr. Alaida tergeu müddesıne bailanysty bız äzırge būl faktıler boiynşa tolyq tüsınıkteme bere almaimyz.
Sondai-aq Qaraǧandy jäne Qostanai qalalarynda şabuyl jasau qaupı bar habarlamalardan keiın kämeletke tolmaǧandardyŋ Telegram-arnalaryn aşqany anyqtaldy. Olar būryn taratylǧan habarlamalardyŋ mätının köşırıp, oqu oryndarynyŋ fotosuretterın ornalastyryp, öz mektepterınıŋ chattaryna jalǧan aqparat joldaǧan. Qazırgı uaqytta Qaraǧandy qalasy №15 orta mektebınıŋ jetınşı synyp oquşysy jäne Qostanaidaǧy №3 mektep-gimnaziiasynyŋ törtınşı synyp oquşysy anyqtaldy. Olardyŋ qylmystyq jauapkerşılık jasyna jetpegenı eskerılıp, ata-analary bala tärbiesıne köŋıl bölmegenderı üşın äkımşılık jauapqa tartyldy. Sondai-aq sot şeşımı boiynşa olar jedel qyzmetterdı jalǧan şaqyrtuǧa jäne bılım beru obektılerın tekseruge bailanysty memleketke keltırılgen zalaldy öteitın bolady. Şyǧyn kölemı ekı million teŋgege deiın jetuı mümkın», – dedı IIM imidjdık jūmys jäne ışkı kommunikasiialar departamentınıŋ bastyǧy Albina Mahambetova.
Terrorizm aktısıne daiyndyq turaly körıneu jalǧan habarlama üşın 5 myŋ AEK mölşerınde, iaǧni 18 mln teŋgeden astam aiyppūl ne bolmasa 5 jylǧa bas bostandyǧynan aiyru nemese şekteu jazasy qarastyrylady. Dürbeleŋge jol bermeu üşın polisiia halyq arasynda tüsındıru jūmystaryn jürgızude. Būl rette oquşylarǧa erekşe köŋıl bölınedı.
«Habarlamalar jalǧan bolǧanyna qaramastan, onda körsetılgen oryndarda qauıpsızdıktı qamtamasyz etu jäne küzettı küşeitu boiynşa şaralar qabyldanady. Sonymen bırge arandatuşylyq jariialanymdardy ornalastyratyn anonimdı arnalar boiynşa messendjerlerdıŋ äkımşılıgımen jūmystar jürgızıledı. Atap aitqanda, jalǧan aqparat taratqan anonimdı arna qazırgı uaqytta būǧattaldy. Būl jūmys jalǧasatyn bolady. Ötken jyly polisiia terrorizm aktısı turaly körıneu jalǧan habarlama boiynşa 215 qylmystyq ıs qozǧady. 43 adam anyqtaldy, onyŋ 19-y kämeletke tolmaǧan, 7 adam sottaldy, onyŋ ışınde 2-uı kämeletke tolmaǧan. Ärbır osyndai fakt boiynşa jan-jaqty tergeu jürgızıledı. Al qylmyskerlerdı anyqtau uaqyt enşısınde, – dedı Albina Mahambetova.
