Ükımette Premer-Ministr Oljas Bektenovtıŋ töraǧalyǧymen ötken «Jasyl» ekonomikaǧa köşu jönındegı keŋes otyrysynda Memleket basşysynyŋ 2060 jylǧa qarai kömırtegı beitaraptyǧyna qol jetkızu jäne energiia syiymdylyǧyn tömendetu jönındegı Qazaqstan halqyna Joldauynda qoiǧan maqsattaryn ıske asyru mäselelerı qaraldy. Qoiylǧan mındetterdı oryndau jūmystarynyŋ barysy turaly «Halyqaralyq jasyl tehnologiialar jäne investisiialyq jobalar ortalyǧy» KEAQ basqarma töraǧasy Didar Qarymsaqov baiandady, sondai-aq bırqatar öŋır äkımderınıŋ baiandamalary tyŋdaldy, dep habarlaidy astana-akshamy.kz Primeminister.kz saityna sılteme jasap.
«Jasyl» ekonomikaǧa köşu tūjyrymdamasy Qazaqstanda 10 jyldan astam uaqyt boiy jüzege asyrylyp keledı. Osy kezeŋde elımızde jaŋartylatyn energiia közderınıŋ ülesı 4,5%-ǧa deiın jetkızıldı. Öndırıs qaldyqtaryn qaita öŋdeu deŋgeiı 25%-ǧa, tūtynu deŋgeiı 39%-ǧa jettı. Tūjyrymdamada belgılengen maqsattardy ıske asyrudyŋ eŋ tiımdı qūraldarynyŋ bırı — önerkäsıptık jäne auyl şaruaşylyǧy käsıporyndarynyŋ qoljetımdı eŋ ozyq tehnikalardy qoldanuy. 2021-2023 jyldar kezeŋınde HJTİJO TOP-50 qatarynan ırı käsıporyndardyŋ qyzmetın qamtityn öndırıstık prosesterde tiımdı tehnologiialardy paidalanu boiynşa önerkäsıptıŋ ärtürlı salasy üşın 16 anyqtamalyqty jasaqtady. 2027 jylǧa deiın öŋdeu salasy, sumen jabdyqtau, qaldyqtardy utilizasiialau jäne mal şaruaşylyǧy kompaniialary üşın taǧy 16 qūjat äzırleu josparda bar.
«Älemdık täjıribe körsetkendei, köptegen damyǧan elderde biznestıŋ özı salalyq anyqtamalyqtardy äzırleuge qarajat saluǧa müddelı. Osyǧan bailanysty Ekologiia jäne tabiǧi resurstar ministrlıgı «Atameken» palatasymen, müddelı salalyq qauymdastyqtarmen jäne ūiymdarmen bırge 2025–2027 jyldarǧa josparlanǧan anyqtamalyqtardy äzırleu jönındegı ıs-şaralardy bırlesıp qarjylandyru mäselesın pysyqtauy qajet», — dep atap öttı Oljas Bektenov.
Otyrys barysynda «jasyl» ekonomikaǧa köşu şeŋberınde teŋgerımdı aumaqtyq damuǧa köp köŋıl bölınetını aityldy. Mäselen, Soltüstık Qazaqstan oblysy jaŋartylatyn energiiany paidalanu boiynşa oŋ nätijelerdı körsetude. Öŋırde jalpy quaty 70,3 MVt bolatyn 174 energiia közı jūmys ısteidı. Būl rette ösımdıkten alynatyn otyn esebınen biomassamen jūmys ısteitın 125 qazandyq ornatylyp, 80 biudjettık mekemenı energiiamen qamtamasyz etude, būl şamamen 260 mln teŋgenı ünemdeuge mümkındık beredı. Aqmola oblysynda ötken jyldyŋ qorytyndysy boiynşa käsıporyndar qaldyqtarynyŋ kölemı 2021 jylmen salystyrǧanda 96%-ǧa tömendedı. Öŋırdıŋ elektr energetikasynyŋ jalpy kölemındegı «jasyl» energiianyŋ ülesı 74%-dy qūraidy. Jambyl oblysy su resurstaryn tiımdı paidalanu qajettılıgıne bailanysty 2025 jylǧa deiın 257 su nysanyn jöndeu josparlary turaly esep berdı. Qazırgı taŋda öŋırge suarmaly sudyŋ negızgı kölemı Talas jäne Şu transşekaralyq özenderınen keledı.
Oljas Bektenov Memleket basşysynyŋ «Jasyl» ekonomikaǧa köşu jönındegı tūjyrymdamany özektendıru turaly jaŋa Jarlyǧynda auanyŋ lastanuyn tömendetu, organikalyq önım öndırısın arttyru, su ünemdeu tehnologiialaryn engızu boiynşa özektı nysanaly körsetkışter belgılengenın atap öttı. «Jasyl» ekonomikaǧa köşu jönındegı jūmys barlyq deŋgeide jandandyryluy tiıs. Premer-Ministr äkımdıkterge müddelı ortalyq memlekettık organdarmen bırlesıp, jospar jobasynda «jasyl» ekonomika indikatorlaryna qol jetkızuge baǧyttalǧan ıs-şaralardy qarastyrudy tapsyrdy. Aldaǧy uaqytta tiıstı nysanaly körsetkışterdı öŋırlık damu josparlaryna bırıktıru qajet.
«Ekologiialyq jobalardy qarjylyq qamtamasyz etu üşın jasyl kreditteu jäne jasyl obligasiialar şyǧaru tetıkterın damytu qajet», — dedı Premer-Ministr. Qoiylǧan mındetterdı ıske asyru üşın 2024-2030 jyldarǧa arnalǧan tiıstı ıs-şaralar josparynyŋ jobasy äzırlenude.
